متعلقہ سوالات

(شوال کا پہلا ہفتہ یا دوسرا ہفتہ)بروز منگل یا بدھ کی درمیان شب تقریباً ایک بجے رات کومیں نے خواب دیکھا کہ میں مدینہ منورہ کے صحن میں ہوں اور بارش ہورہی ہے میں مسجد نبوی میں جاتاہوں اور روضہ مبارک کی جالیوں کے پاس جاکر بھیجتا ہوں تو بارش کا پانی اندر تک آتا ہے تقریباً ٹخنوں تک آجاتا ہے۔ میں سوچتا ہوں کہ اتنا پانی بھر رہا ہے تو یہ اب کیسے نکلے گا؟ ابھی سوچ ہی رہا ہوتا ہوں کہ روضہ کا دروازہ کھلتا ہے اور اس میں سے ایک آدمی نکلتے ہیں میں سوچتا ہوں کہ یہ تو آپ صلی اللہ علیہ وسلم ہی ہوسکتے ہیں ان کا حلیہ بھی بڑا پر نور ہوتا ہے۔ انھوں نے سفید عبا پہنی ہوئی ہے او رسر مبارک پر عمامہ بندھا ہوا ہے آپ کی کالی داڑھی مبارک ہے، کالی بڑی آنکھیں ہیں، فربہ جسم ہے اور بال مبارک کانوں کی لو مبارک تک آرہے ہیں (میں ان کا آدھا آدھا کر کے پورا چہرہ مبارک دیکھتا تھا)۔ وہ روضہ کے دروازے سے باہر آتے ہیں اور سیدھے صحن میں جاتے ہیں او راپنے ہاتھوں کو پھیلا کر آسمان کی طرف دیکھتے ہیں۔ یوں محسوس ہوتا ہے جیسے بارش سے لطف اندوز ہورہے ہوں۔پھر میری آنکھ کھل گئی ۔ برائے مہربانی مجھے اس خواب کی تعبیر جلد از جلد بتائیں، تاکہ اس بے چین دل کو قرار آئے اور آنکھیں ٹھنڈی ہوں۔