Q. اللہ دارالافتاء کو نظر بد سے بچائے، اورترقی عطا فرمائے (آمین)۔میرا سوال خواب کی تعبیر کے متعلق ہے۔ برائے کرم تعبیر مرحمت فرمائیں، مہربانی ہوگی۔ میرا یہ خواب آج صبح فجر سے پہلے کا ہے یعنی 1/2/2010۔ میرے خواب میں میرا ممیرا بھائی ہے جو سعودی میں ہی رہتا ہے دوسرے مقام پر وہ مجھ کو ایک جگہ لے گیا جہاں پر چند نوجوان لڑکیاں جو پوری طرح پردے میں ہیں اس طرح کہ ان کا بال بھی پردہ کے باہر نہیں ہے لیکن پردہ کا کپڑا بہت ہی پتلا ہے جس کی وجہ سے ان کے چہرے کی جھلک نظر آتی ہے۔ اوروہ بہت خوب صورت تھیں۔ وہ لوگ نماز پڑھ رہے تھے۔ پھر تھوڑا آگے لے گئے وہاں پر بہت سے خوبصورت چھوٹے لڑکے اور لڑکیاں ہیں، لیکن وہ اس حالت میں ہیں کہ وہ پیدائشی اپاہج ہیں اور سارے لڑکے اور لڑکیوں میں کوئی اپنے پیروں پر ٹھہرا ہوا نہیں ہے سوائے ایک لڑکے کے جس کا عضو خاص بھی مجھے دکھائی دیا اور وہ سب ننگے تھے۔