Q. عبد الحمید اور حنیفہ یہ دونوں سگے بھائی بہن تھے اور ان کے کوئی بھائی بہن نہیں تھے۔ شادی کے بعد عبد الحمید اور ان کی بیوی سلمہ بیگم کا انتقال ہوگیا، ان کے تین بچے تھے، ایک بڑی لڑکی عمر۷/ سال، نام نسیمہ، ایک لڑکا، عمر ۳/ سال ،نام انیس ، ایک چھ مہینے کا دودھ پیتا بچہ جس کا نام ادریس احمدہے۔ ان تینوں بچوں کو عبد الحمید کی بہن اپنے گھر لے آئی اور ان کی پرورش کی۔ ادریس احمد اپنی پھوپھی کا دودھ پی کر بڑا ہوا۔ تنیوں بچوں کی پرورش کے بعد حنیفہ نے اپنی لڑکی کا نکاح اپنے بھائی کے لڑکے انیس سے کر دیا ، لڑکی کا نام طاہرہ ہے۔ نسیمہ اور انیس نے اپنی پھو پھی کا دودھ نہیں پیا ، صرف ادریس احمد نے دودھ پیا تھا جو چھ مہینے کا تھا۔انیس جو طاہرہ کا شوہر تھا انتقال ہوگیا ، ان کی عمر ۶۰/ سا ل تھی۔ اور بیوی طاہر ہ بیگم جو عدت میں ہے ، کیا ادریس احمد سے پردہ جائز ہے یا نہیں؟ اس وقت ادریس کی عمر ۵۷/ سال ہے۔