متعلقہ سوالات

میرے ایک ساتھی نے حال ہی میں دو خواب دیکھا ،ایک فجر سے پہلے اور ایک فجر کے بعد۔یہ خواب میری نظر میں معمولی نہیں ہیں ۔ (۱) پہلا خواب جو کہ فجر سے پہلے دیکھا یہ تھا کہ ایک چھوٹا بچھو باہر دائرہ بنائے بیٹھا ہے اوراس بچھو کا رنگبراؤن ہے اوروہ زمین جہاں وہ بچھو بیٹھا ہوا ہے وہ بھی براؤ ن ہے۔ میرا ساتھی بھی خواب میں ہے اوروہ ذکر کررہا ہے۔ دوسرا خواب جو کہ فجر کے بعد پیش آیا: اس کے والد صاحب ایک کرسی پر ایک تالاب کے بیچ میں بیٹھے ہوئے ہیں کوئی آتا ہے اور پانی میں ایک مچھلی چھوڑتاہے۔تالاب کا پانی اتنا صاف ہے کہ میرا ساتھی جو کہ اس وقت قرآن شریف کی تلاوت کررہا ہے وہ مچھلی کو والد صاحب کے اردگرد جو کہ تالاب کے بیچ میں ایک کرسی پر بیٹھے ہوئے ہیں حلقہ بنائے ہوئے دیکھتا ہے۔ یہ نوجوان جو کہ میرا ساتھی ہے اس نے مذہبی بننا شروع کیا ہے۔ یعنی وہ جماعت کے ساتھ تمام نمازیں پڑھتا ہے اور بہت زیادہ ذکر کرتا ہے اور روزانہ قرآن شریف کی تلاوت کرتا ہے۔ برائے کرم اس کی تعبیر عنایت فرماویں۔

خواب: رمضان کے دن چل رہے تھے ، غالبا جنوری کا دن تھا ، میں فجر کی نمازپڑھنے کے بعد غالبا اشراق کے بعد آرام کرنے کے لیے سویا ہی تھا کہ مجھے خواب نظر آیا کہ میں ایک جگہ دیکھ رہاہوں جیسے کسی بڑے آبشار سے تیز ی کے ساتھ پانی نکلتا ہے ، اور مجھے کسی کے کہنے کے آواز آرہی ہے کہ حضور صلی اللہ علیہ وسلم آگئے ہیں۔ پھر میں دیکھتاہوں کہ کچھ لوگ بیٹھے ہیں آمنے سامنے آلتی پالتی مارکر جیسے کوئی ذکر کررہے ہیں ۔ پھر میں دیکھتا ہوں کہ میں ایک طرف اٹھ کرجاتاہوں تو مجھے ایک کالی چادر اڑائے ہوئے کوئی نظر آرہا ہے۔ مجھے چہرہ اور جسم کا حصہ نظر نہیں آتا ہے بس کالی چادر ہے اور اس کیبازوکھلولے ہیں۔اور مجھے اس طرح لگا کہ مجھے گلے سے لگانے کو کہاجارہاہے ، میں آگے گیا اور اس چادر سے گلے لگ گیا اور مجھے اس سے گلے ملنے پر اتنا سکون اور میٹھاس ہوئی کہ میں بیان نہیں کرسکتا۔ اس کے بعد میں دیکھتاہوں کہ میں نماز پڑھ رہا ہوں اور میرے ساتھ مسجد کے ایک ساتھ بھی ہیں۔