متعلقہ سوالات

میں اکثر خواب دیکھتا ہوں کہ میں امتحان کی تیاری کررہا ہوں یا پھر امتحان دے رہا ہوں ، مگر امتحان کا پیپر حل نہیں کر پار ہا ہوں یا پھر مجھے مشکل ہورہی ہے؟ براہ کرم، خواب کی تعبیر بتائیں۔

 جناب اللہ مجھ پر اور تمام امت محمد یہ (صلی اللہ علیہ وسلم) پر رحم فرمائے آمین۔ پچھلے سال مجھے آپ صلی اللہ علیہ وسلم کی زیارت کا بہت شوق ہوا تھا (گو ابھی بھی یہ شوق جوں کا توں ہی ہے) اس سلسلہ میں میں نے خوب دعائیں کی اور درود بھی پڑھے اور مجھے ایک خواب بھی آیا مگر ڈراؤنا تھا۔ اس دن سے میری یہ حالت ہے کہ نہ میں وہ خواب بھول پارہی ہوں نہ چین پارہی ہوں۔ برائے مہربانی مجھے اس کی وضاحت فرمائیں اور مجھ گناہ گار کی مدد فرماویں۔ اللہ آپ کو جزائے خیر عطا فرمائے۔ میں نے دیکھا ایک کالا کمرہ ہے اس میں ہر کوئی کالے کپڑے پہنے ہوئے ہے زیادہ تر عورتیں تھیں۔ میں اور میرے شوہر اندر جاتے ہیں، کہا جاتا ہے کہ اندر آپ صلی اللہ علیہ وسلم ہیں۔ میں اور میرے شوہر شوق کے مارے اندر جاتے ہیں تو وہاں کے تخت پر ایک آدمی کالے کپڑے پہنے بڑے ٹھاٹ سے بیٹھا ہوتا ہے جس کو دیکھ کر میں کہتی ہوں کہ یہ آپ صلی اللہ علیہ وسلم نہیں ہیں میرے شوہر کہتے ہیں کہ تم ہی تو کہتی ہو کہ شیطان آپ صلی اللہ علیہ وسلم کی جگہ نہیں لے سکتا ۔میں کہتی ہوں کہ ہاں مگر یہ آپ صلی اللہ علیہ وسلم نہیں ہیں۔ میں نے آپ صلی اللہ علیہ وسلم کا حلیہ مبارک پڑھا ہے آپ صلی اللہ علیہ وسلم ایسے ہو ہی نہیں سکتے۔ مگر میرے شوہر واپس اپنی بات دہراتے ہیں او رمیں مان جاتی ہوں مگر دل سے نہیں مانتی ہوں۔پھر اعلان ہوتاہے کہ اب سب آپ صلی اللہ علیہ وسلم کو سجدہ کریں گے تو میں منع کردیتی ہوں اور اپنے شوہر سے کہتی ہوں دیکھا میں نے کہا تھا نا کہ یہ آپ صلی اللہ علیہ وسلم نہیں ہیں۔ یہ تو آپ بھی جانتے ہیں کہ آپ صلی اللہ علیہ وسلم نے خود فرمایا ہے کہ اللہ کے سوا کسی کو سجدہ جائز نہیں۔ اتنے میں سب مجھے زور دیتے ہیں کہ میں سجدہ کروں مگر میں نہیں کرتی نہ ہی اپنے شوہر کو کرنے دیتی ہوں۔ مگر سب کرتے ہیں اور میں اپنے شوہر سے رو کر کہتی ہوں کہ اب آپ یہاں سے چلیں اور ان کا ہاتھ کھینچتی ہوں اور وہ بھی کہتے ہیں کہ ہاں چلو اور میری آنکھ کھل جاتی ہے۔ میرا اس وقت یہ حال تھا کہ میں دل میں یہی سوچ رہی تھی کہ اب میں گناہ گار آپ صلی اللہ علیہ وسلم کی زیارت کا شوق نہیں پالوں گی مگر صبح ہوتے ہی شوق نہ پالنے والی بات پر اللہ رب العزت سے معافی مانگی۔ آج اس خواب کو کئی مہینے گزر چکے ہیں مگر میں اس خواب کی ہولناکی ابھی تک اپنے دل او ردماغ میں محسوس کررہی ہوں۔ برائے مہربانی مجھے اس عذاب سے نجات دلانے میں میری مدد فرمائیں۔ خدا کے لیے میری مدد فرمائیں میں ایک عجیب قسم کی بے چینی میں مبتلا ہوں۔ ماشاء اللہ میری دو چھوٹی بچیاں بھی ہیں جو کہ میری بے چینی کی وجہ سے تنگ ہورہی ہیں۔ اپنا یہ خواب کسی کو بتانے سے بھی ڈر لگتا ہے۔ آج بڑی مشکل سے آپ کو یہ لکھ رہی ہوں۔ اللہ ہم سب کا حامی و ناصر رہے۔

میں نے خواب میں دیکھا کہ آسمان پر ایک طرف اللہ کا نام ہے اور دوسری طرف محمد صلی اللہ علیہ وسلم کا نام ہے۔ اور دوسرے خواب میں میں نے دیکھا کہ ایک پہاڑ ہے جس کے دامن کے ساتھ صاف و شفاف پانی ہے، اس کے ساتھ ایک گہری کھائی ہے وہاں سے ایک ٹرک جو مکمل طور پر لوڈ ہوتا ہے، میں اس کو گزرنے سے منع کرتا ہوں مگر وہ گزر جاتا ہے۔ میں اس دوران سبحان اللہ کہہ دیتا ہوں ۔اس دوران کوئی مجھے کہتا ہے کہ یہ خواجہ چشتی کی برکت کی وجہ سے یہاں سے گزر گیا۔ آپ سے گزارش ہے کہ خواب کی تعبیر بتائیں۔

میں نے خواب دیکھا کہ میں ایک سپارہ ہر کسی کو کچھ دیر کے لیے سنبھال کر رکھنے کے لیے دینا چاہ رہی ہوں مگر کوئی مجھ سے وہ سپارہ نہیں لیتا۔ سب سے جوا ب انکار میں سننے کے بعد میں نے اپنی نانی کو وہ سپارہ دینا چاہا۔ کہا کہ میں اسے نصف پڑھ چکی ہوں میں نہیں چاہتی کہ یہ کوئی اور پڑھے۔ نانی اس وقت کلام پاک کے ایک سیٹ کو ترتیب سے رکھ رہی تھیں۔ انھوں نے مجھے بہت غصہ میں جواب دیا کہ اگر کوئی اور اس سپارہ کو پڑھ لے گا تو کیا ہوجائے گا۔ اس سے تواچھا ہے تم سپارے کو (نعوذباللہ) آگ میں ڈال دو۔اور انھوں نے سپارہ میرے ہاتھ سے لے کر آگ میں ڈال دیا (نعوذ باللہ)۔ اسی سے ایک اورمنظر بھی منسلک تھا کہ دو چھپکلیاں میرے سامنے ہوتی ہیں میرے بھائی کے بھگانے سے ایک چھپکلی بھاگ جاتی ہے دوسری وہاں بیٹھی رہتی ہے۔برائے کرم اس کی تعبیر بتائیں۔

میں عالم ارواح کے بارے میں جاننا چاہوں گا، عالم ارواح میں اللہ تعالی سے جو وعدہ کیا تھا وہ ہمیں یاد کیوں نہیں ہے؟ ہم نے کیا وعدہ کیا تھا؟ براہ کرم، باحوالہ جواب دیں۔

محترم مفتی صاحب بعداز سلام عرض ھے کہ میں نے دورانِ مطالعہ اکثر جگہ صحابہ کراؓم اور آئمہ دین کے بارے پڑھا ھے کے انھیں اللہ سبحان تعالیٰ کا دیدار نصیب ھوا جیسے صاحبزادہ حکیم اختر صاحب کی کتاب "تجلیاتِ جذب میں حضرت نے پیر چنگی کے واقعہ میں حضرت عمر فاروقؓ کے لیے لکھا ھے انھیں اللہ کا دیدار نصیب ھوا اور اور اللہ سبحان تعالیٰ آپؓ کو حکم دیا کے ھمارا بندہ قبر میں گریہ کر رھا ھے جا کے اسے ھمارا سلام پیش کرو اور بیت المال سے اس کا وظیفہ مقرر کرو ایک اور جگہ حوالہ بھول گیا ھوں حضرت امام مالکؒ کے بارے میں پڑھا تھا کہ انھیں بھی یہ سعادت نصیب ھوئ تھی۔ ۱۔ اب سوال یہ ھے کے عقائد کے مطابق کوئ بنی نوح انسان اللہ تعالیٰ کو دیکھنے کی تاب نھیں رکھتا حتکہ رسول عربی حضرت محمد مصطفیٰ ﷺ نے بھی دیدار الٰہی قلب کے زریعے کیا تھا تو کیا ایسا آپﷺ کے بعد بھی اللہ کے مقرب بندوں کو خواب کے زریعے عطا ھوا۔ ۲۔ اس سے مراد اگر نورِاللہ دیکھنے سے ھے تو کیاخالی دیدار کا لفظ یہاں استعمال کرنا صیح ھےیا نورِالٰہی کا دیدار لکھنا صیح ھے؟ کیونکہ اس سے اللہ سبحان تعالیٰ کے صاف ظاھر ھونے کا احتمال ھوتا ھے (اللہ کسی وھم اور خیال سے ھماری حفاظت فرما ئے آمین) برآئے مہربانی اپنے قلمِ خاص سے احقر کی ناقص خیالی کو دور کرکے دین کی فہم کا موقع فراھم کریں۔ بندہ کامران حیدر کراچی پاکستان