متفرقات >> دیگر
سوال نمبر: 37461
جواب نمبر: 37461
بسم الله الرحمن الرحيم
فتوی(ب): 388=324-3/1433 ”رضی اللہ عنہ“ ایک دعائیہ کلمہ ہے ہردین دار مسلمان کے لیے یہ دعا کرسکتے ہیں، لیکن متأخرین علماء نے صحابہٴ کرام اور دیگر بزرگوں کے درمیان فرق رکھنے کے لیے رضی اللہ عنہ حضرت صحابہ کے ساتھ خاص کردیا ہے اور دیگر بزرگوں کے لیے ”رحمة اللہ علیہ“ تجویز کردیا ہے اس لیے ہمیں فرق مراتب کے لیے۔ کسی غیرصحابی کو رضی اللہ عنہ نہ لکھیں تو بہتر ہے، کیونکہ اس سے اس کے صحابی ہونے کا شبہ ہوتا ہے۔ صحابی کے علاوہ کو تابعین ہوں یا تبع تابعین ہوں، اولیاء اللہ ہوں سب کے لیے رحمة اللہ علیہ لکھنا اور بولنا چاہیے۔
واللہ تعالیٰ اعلم
دارالافتاء،
دارالعلوم دیوبند