متفرقات >> دیگر
سوال نمبر: 36786
جواب نمبر: 36786
بسم الله الرحمن الرحيم
فتوی: 46-47/N=4/1433 (۱) و (۲) آپ کے خواب سے ایسا معلوم ہوتا ہے کہ آپ نے گناہوں سے سچی پکی توبہ کرکے غسل طہارت کیا ہے جس کے اثرات بعد میں برقرار رہے، اگر آپ اس سچی پکی توبہ پر برقرار رہیں گے اور بزرگوں اور اللہ والوں سے وابستہ رہیں گے، ان کی ظاہری بے توجہی کی وجہ سے ان سے بدظن اور دل برداشتہ نہیں ہوں گے تو آپ کو اللہ رب العزت کی طرف سے دینی اور دنیوی دونوں طرح رفعت وبلندی اور نصرت وفتح مندی حاصل ہوگی۔ اور کعبہ کی بلندی حقیقی کعبہ سے کم ہونے کے مطلب یہ ہے کہ مسلم حکمرانوں میں قرب قیامت کی وجہ سے دینی نقص اور بڑھ جائے گا، لیکن مکہ مکرمہ اور مدینہ منورہ کے عام باشندگان کی حالت بہتر سے بہتر ہوتے جائیں گے، وہاں نیک لوگوں کی کثرت ہوگی جس سے ان مقدس مقامات کی خیر وبرکتیں اور بڑھ جائیں گی۔
واللہ تعالیٰ اعلم
دارالافتاء،
دارالعلوم دیوبند