متعلقہ سوالات

عرض یہ ہے کہ ہمارے ایک خیر خواہ جنھوں نے ایک خواب دیکھا تھا تعبیر معلوم کرنا چاہ رہے ہیں تو ہم نے آپ سے رجوع کیا۔ ان کا خواب ہے کہ وہ عمرہ یا حج کا سفر کرکے مکہ مکرمہ پہنچتے ہیں وہاں یہ بات پھیل جاتی ہے کہ ابھی حرم شریف میں بیان ہوگا لوگ منتظر رہتے ہیں کہ کب بیان ہوگا اس کے بعد کعبہ کے در و دیوار پر فاحشاؤں اور فلمی ادا کاراؤں کی تصویر آویزاں کی جارہی ہے (اس منظر کو دیکھ کر صاحب رویت بے حد مضطرب ہوجاتے ہیں) اخیر میں بیان کرنے والے آتے ہیں اور وہ نہ تو مرد ہیں او رنہ ہی عورت۔ وہ صاحب مجھے بتلا رہے تھے کہ کعبہ پر یہ حالت دیکھ کر اور خنساء کو بحیثیت خطیب دیکھ کر بہت پریشان ہوں۔ اس لیے تعبیر کے پیچھے پڑ گئے او رمیں آپ کے در پے ہوگیا۔ برائے کرم جواب مرحمت فرماکر ممنون فرمائیں۔ ہاں صاحب رویت کی عمر پچیس سے تیس برس تک ہوگی اور وقت رویت رات کا دوسرا پہر ہوگا۔

جناب مفتی صاحب میں نے خواب میں دیکھا کہ ایک مسجد ہے اس میں میں اور مولانا ریاض الرحمن صاحب رشادی (خطیب و امام جامع مسجد شہر بنگلور) ہیں۔ میں اپنے آپ کو بہت ہی کمزور محسوس کرتا ہوں۔ ایک حصیر (بڑی چٹائی جو مسجد میں نماز کے لیے بچائی جاتی ہے) وہ لپیٹ کر ایک جگہ رکھی ہوئی ہے، میں اس کو کمزوری کی وجہ سے نہیں اٹھارہا ہوں۔ تو مولانا (ابھی وہ کافی کمزو رہیں) اس حصیر کے بنڈل کو اٹھالیتے ہیں۔ اس کی تعبیر کیا ہے؟

میں نے کئی بار خواب میں اندھیری رات کے اندر بارش میں خود کو بھیگتے دیکھا ہے، اس کا کیا مطلب ہے؟