متعلقہ سوالات

میں ایک مدرسہ کا طالب علم ہوں میرے والد صاحب نے کچھ دنوں پہلے ایک خواب دیکھا جس میں انھوں نے دیکھا کہ میں اور میرے والد صاحب ہم دونوں ساتھ ہیں او رروضہ اطہر کے اندر چلے جاتے ہیں ہم دونوں اور پھر میں حضور صلی اللہ علیہ وسلم کی قبر اطہر کے بالکل سامنے قرآن کی تلاوت شروع کردیتا ہوں اتنے میں پولیس والے پکڑنے آتے ہیں کہ ہم لوگ اندر کیسے چلے گئے ۔تو جو اس وقت سعودیہ کے بادشاہ ہیں وہ ان پولیس والوں کو اشارہ کرکے منع کرتے ہیں کہ ان کو چھوڑ دو تو وہ چھوڑ دیتے ہیں۔

فتاوی دارالعلوم دیوبند جلد ۵كی ایک عبارت سے متعلق استفسار

میں مولانا عمران ناظر حسین کے بارے میں جاننا چاہتاہوں کہ آیا وہ معتبر شخص ہیں کیوں کہ میں ان کی تقریروں کے بارے میں تھوڑا شک میں ہوں۔ انھوں نے دجال کی آمدکی تشریح موجودہ حالات سے کی ہے جیسے غزہ پر اسرائیل کا حملہ، اور کچھ قرآن اور حدیث کی علامت سے۔ اگر وہ دجال کے بارے میں وضاحت کرسکتے ہیں تو ہمارے علماء ایسا کیوں نہیں کررہے ہیں، عوام کو اس کے بارے میں کیوں نہیں معلومات فراہم کی جاتی ہیں؟

میری بیٹی روزانہ سونے سے پہلے بلا ناغہ اور بغیر بھولے آیت الکرسی پڑھ کر سوتی ہے۔ اس نے بتایا کہ ایک مرتبہ کام سے تھک کر بسترپر لیٹی اور لیٹتے ہی اس کی آنکھ لگ گئی اور آیت الکرسی پڑھنا رہ گیا۔ خواب میں دیکھتی ہے کہ اس کی نانی کے گھر کے پاس ایک عجیب سے کمراہ ہے اس کی نانی کے گھر کے لوگ اس کمراہ میں جانے سے سب ڈررہے ہیں اور جانے کو منع بھی کررہے ہیں۔ میری بیٹی نے تین مرتبہ آیت الکرسی پڑھ کر اس کمرہ پر پھونگ دیا اور بے دھڑک کمرہ میں داخل ہوگئی۔ وہاں ایک بزرگ لمبی داڑھی والے ظاہر ہوئے اور کہنے لگے کہ تو نے یہاں کیوں آیت الکرسی پڑھ کر دم کیا؟جا!تورسی میں لٹک کر خود کشی کی موت مرے گی۔  اس خواب کی تعبیر ضرور بتائیں کیونکہ میری بیٹی کی شادی ہونے والی ہے اور وہ اس سے ذرا پریشان ہوگئی ہے۔ لڑکی صوم و صلاة اور شریعت کی بہت پابند ہے اور دعوت کے کام میں بھی فکر رکھتی ہے۔ اس کے لیے دعا اور ہمت افزائی کی درخواست ہے۔

میں نے ایک خواب دیکھا کہ میرے شوہر قینچی سے میرے بال کاٹ رہے ہیں، میں ان کو روکنے کی کوشش کررہی ہوں حتی کہ چلا رہی ہوں کہ ایسا مت کرو لیکن وہ نہیں رکتے ہیں۔ اسی وقت میرا سوتیلا لڑکا میرے اوپر چلا رہا ہے اور وہ میرے اوپر ناراض نظر آتا ہے۔ جب میرے شوہر نے میرے بال کاٹنے بند کردئے اور میں نے اپنا چہرہ آئینہ میں دیکھا تو میں نے دیکھا کہ میں بہت بدصورت نہیں نظر آرہی ہوں۔میں اس خواب کو لے کر بہت پریشان ہوں، برائے کرم اس کی تعبیر عنایت فرماویں۔

مجھے استخارہ کے خواب کا جواب درکار ہے۔ میں نے دیکھا کہ میں ایک قدیم عمارت جو مٹیالے رنگ کی،بظاہر اچھی حالت میں ہے اس کی چھت پر بہت سارے لوگوں کے ساتھ چل پھر رہی ہوں۔ لوگوں کے چہرے واضح نہیں ہیں مگر مجھے لگتا ہے کہ میں ان سب کو جانتی ہوں۔ میں سب سے آگے چل رہی ہوں اورہر قدم پر ڈرتی ہوں کہ کہیں گر نہ جاوئں کیوں کہ پرانی عمارت ہے بوسیدہ ہوگی، لیکن دیکھنے میں نہیں لگتی، پھر ایک کمرے میں پہنچتے ہیں۔ میں زمین میں ایک پیٹی نما چوکور دروازہ کو چابی سے کھولتی ہوں، یہاں خواب ٹوٹ جاتاہے۔ استخارہ کی نیت اپنے شوہر کے پاس جانے سے متعلق تھی کہ میں ملک سے باہر اپنے شوہر کے یہاں جاؤں تویہ میرے لیے بہتر ہے یا نہیں۔ پریشانی یہ تھی کہ میرے سسرال والوں نے مجھے گھر سے نکال دیا ہے۔ باقی سسرال والے میرے شوہر کے ساتھ رہتے ہیں اور اتنی دور میرے ساتھ اللہ کے سوا کوئی بھی نہیں ہوگا۔