متفرقات >> دیگر
سوال نمبر: 20884
مہینوں قبل میں نے ایک خواب دیکھا تھا کہ میں یہ کہتے ہوئیے دوڑرہا تھا کہ اللہ کی مدد آرہی ہے۔براہ کرم، اس کی تعبیر بتائیں۔
مہینوں قبل میں نے ایک خواب دیکھا تھا کہ میں یہ کہتے ہوئیے دوڑرہا تھا کہ اللہ کی مدد آرہی ہے۔براہ کرم، اس کی تعبیر بتائیں۔
جواب نمبر: 2088429-Aug-2020 : تاریخ اشاعت
بسم الله الرحمن الرحيم
فتوی(ھ): 675=531-4/1431
ماشاء اللہ اچھا خواب ہے، او رتعبیر یہ ہے کہ ادائے حقوق العباد وحقوق اللہ اعمال صالحہ کی طرف اور گناہوں سے اجتناب کی خاطر سچی پکی توبہ کی طرف دوڑو، ان امور کے اختیار کرلینے سے حیرت انگیز طریقہ پر بہت جلد اللہ تعالیٰ کی خاص مدد مسلمانوں کو ان شاء اللہ حاصل ہوگی۔
واللہ تعالیٰ اعلم
دارالافتاء،
دارالعلوم دیوبند
میری بیوی نے کچھ خواب دیکھے ہیں، ہمیں ان کی تعبیر کے سلسلے میں شبہات ہیں۔ براہ کرم، تعبیر سے مطلع فرمائیں۔
4394 مناظرمیں نے اپنی شادی کے متعلق عشا کی نماز سے قبل استخارہ کیا ۔ مجھے خواب فجر کی نماز کے بعد آیا اور مجھے نہیں معلوم کی یہ استخارہ کا خواب ہے یا کوئی دوسرا خواب ہے۔ بہرحال مجھے فکر ہے کہ اچھا خواب ہے یا نہیں۔ خواب یہ تھاکہ میری کلاس کی ایک لڑکی نے نے کہا کہ کوئی خاتون مجھ سے ملاقات کرنا چاہتی ہیں۔ میں خاتون کے پاس گئی وہ امریکن کی طرح لگ رہی تھی۔ میں اس کے پیچھے پیچھے چلی۔ مجھے معلوم ہو گیا وہ مجھے کسی بدکاری میں مبتلا کرنا چاہ رہی ہے۔ اس کے ہاتھ میں کچھ چیزیں تھیں جس کے تین منھ میں سے ایک میں 2007 دوسرے پر 2008 اورتیسرے پر 2009 لکھاہوا تھا۔ اس نے اس کو پھینکا تو 2007 دکھائی دیا۔ مطلب کہ میری شادی 2007 میں ہوگی۔ لیکن اس کو پھر 2008 کی طرف بدل دیا،کیوں کہ شادی 2007میں کہاں سے ہوسکتی ہے وہ سال تو گزر گیا۔ میں گناہ سے بچنے کے لیے اس سے بھاگنے لگی ۔ اس نے دو اور لوگ راستہ کو روکنے کے لیے بھیجا تاکہ میں بھاگ نہ سکوں۔ میں پھر بھی بھاگی اور نبی کریم صلی اللہ علیہ وسلم نظر آئے۔ میں جس طرف بھاگ رہی تھی وہ میری مخالف طرف چل رہی تھی۔ بعد میں میری سہیلیوں سے میں بات کررہی تھی۔ میں نے اپنی سہیلیوں سے کہا کہ جو کچھ اس خاتون نے میرے ساتھ کیا میں وہ کبھی نہیں بھولوں گی۔اور مجھے معلوم تھا کہ اس خاتون نے میری سہیلیوں کے ساتھ بھی اس طرح سے ہی کیا تھا جس طرح سے میرے ساتھ کیا۔ اور یہ کہ یہ ایک امتحان تھا کہ میں لوگوں کی باتوں میں ان کی کتنی اتباع کرتی ہوں، کیا اپنی ہوشیاری استعمال کرتی ہوں یاکہ نہیں۔ میں خاتون سے بھاگ گئی اس کا مطلب میں نے امتحان پاس کرلیا۔ اور مجھے معلوم تھا کہ میری سہیلیاں بھی پاس ہوگئیں۔اس خواب کا کیا مطلب ہے؟
1467 مناظرمیں نے چند دن پہلے دو خواب دیکھے میں اس کوالگ الگ لکھتاہوں۔ (۱) میں نے دیکھاکہ ایک بہت اونچی عمارت کی سیڑھیوں پر مربی و مفکرالامت حضرت مولانا قاسم قریشی صاحب (رکن شوری دعوت و تبلیغ کرناٹک) ان سیڑھیوں پر جلدی جلدی چڑھ رہے ہیں او ران کے پیچھے پیچھے میں بھی چڑھ رہا ہوں۔ (۲) اورایک مرتبہ دیکھا کہ ایک کمرے میں بہت سارے ذمہ داران تبلیغی جماعت بیٹھے ہوئے ہیں او ردرمیان میں حضرت مولانا قاسم قریشی صاحب بیٹھے ہوئے ہیں اور میرے والد صاحب بھی بیٹھے ہوئے ہیں اسی وقت میں اس کمرے میں داخل ہوا تومیرے والد صاحب نے مولانا قاسم قریشی صاحب سے کہا کہ یہ میرا بیٹا مدثر احمد ہے۔ یہ سننے کے بعد مولانا قاسم قریشی صاحب فوراً اپنی جگہ سے کھڑے ہوگئے۔ برائے کرم ان خوابوں کی تعبیر بتادیں۔
1411 مناظرمیری
بہن مطلقہ ہے۔ اس کی شادی میرے کزن کے ساتھ ہوئی تھی۔ میرے کزن کے والد میری ماں
کے حقیقی بھائی ہیں اور اس کی ماں میرے والد کی حقیقی چھوٹی بہن ہے۔ میرے والد
اپنی بہن سے بہت زیادہ محبت کرتے تھے ۔ اب طلاق کے بعد سے ہمارا اس گھرانے سے کوئی
تعلق نہیں ہے۔ میں نے ایک خواب دیکھا کہ میرے والد صاحب دوبارہ اس گھرانے کے ساتھ
اچھے رشتہ میں ہیں۔ میں اپنے والد سے لڑتا ہوں کہ انھوں نے ہمارے گھر والوں کے
ساتھ اتنا کچھ کیا ہے اور آپ دوبارہ ان کا تعاون کررہے ہیں۔ وہ کہتے ہیں کہ وہ اس
وقت غلطی پر تھے اور اب انھوں نے اپنی غلطی کا اعتراف کرلیا ہے۔ میں نے یہ خواب دو
مرتبہ دیکھا ہے۔ ایک مرتبہ میں اس کو چھ سے دس بجے صبح کے وقت دیکھا اور دوسری
مرتبہ اس سال پہلے رمضان کو سحری کے بعد ۔ برائے کرم مجھ کو اس کی تعبیر بتادیں۔