متعلقہ سوالات

کچھ وقت پہلے مجھ کو ایک خواب آیا تھاکہ میں اپنے امتحان کا رزلٹ پانے والی تھی یا کچھ اسی طرح۔ پھر مجھے یاد ہے کہ اچانک میں ایک بس کے سامنے تھی اور پھر اچانک پھر سے کالج آگئی کینٹین کے اندر۔ ایک انسان نے میرے سامنے بہت کھانا خریدا اور باورچی نے اس کے ایک پلیٹ کے ساتھ اس کے ٹیبل کو خود ہی صاف کردیا۔ میں نے عام کھانا کھایا۔ پھر میں نے ایک کاغذ دیکھا جس میں یہ خبر تھی کہ میرا بچہ جو پیٹ میں تھا وہ مرگیا۔ اس کا یہ مطلب ہوا کہ میں اس سپنے میں حاملہ تھی، لیکن سپنے میں یہ بری خبر سننے کے بعد میں پھر بھی خوش رہی۔ یہ سب کے بعد میں نے پھر اپنے آپ کو بس پکڑنے کیجگہ میں دیکھا ،لیکن میں نے بس کو جانے دیا۔ پھر میں بس اسٹاپ میںآ ئی۔ (میں نہیں جانتی کہ وہ بچہ تھا یا عام انسان) لیکن کوئی تو تھا۔ ہماری بس نہیں آئی لیکن اور طرح کی بس آئی (جو ہماری بس نہیں تھی)۔ مجھ کو لگتا ہے کہ خواب وہیں پر ختم ہوگیا۔ کیا یہ نفس سے ہے یاواقعی میں اس کا کوئی مطلب ہے؟

اکثر اوقات خواب میں دیکھتاہوں کہ میں فیزکس، حساب وغیرہ کا امتحان دے رہا ہوں اور ان پرچوں کو حل کرنے کے لیے میرے پاس بہت کم وقت ہوتا ہے۔ براہ کرم، اس خواب کی تعبیر بتائیں۔ واضح رہے کہ میں طالب علم نہیں ہوں، میں کام کررہا ہوں۔

ہمارے شہر کے پاس ہی ایک گاؤں ہے اس میں ایک شخص ہوتا تھاجو کہ اب فوت ہوچکا ہے۔ لوگ اس کو پیر کہتے تھے، جب تک وہ زندہ تھاتب تک لوگ اس کے پاس جاکے اس کو اپنی پریشانیاں بتاتے تھے۔ واللہ اعلم سچ کہتے تھے یا جھوٹ کہ وہ پیر ایک وقت میں کئی جگہوں پرہوتا تھا، اوراس کے بارے میں اور بھی بہت ساری افسانوی کہانیاں مشہور ہیں۔ اس پیر کا کردار و عمل ایسا تھا کہ ہر وقت چرس پیتا تھا اور لوگوں کو گالیاں بھی دیتاتھا۔ میں تواس کو پیر بالکل بھی نہیں مانتا۔ خیر ایک دفعہ ہمارے محلہ کے ایک استاد جی ہیں ان کا گھرانا کافی مذہبی ہے اور خود بھی اسلامیات کے بارے میں کافی پڑھے لکھے ہیں۔ ایک دفعہ ان سے ایسے ہی اس پیر کے بارے میں بات ہورہی تھی تومیں نے کہاکہ وہ پیر صرف بکواس ہے اور کچھ نہیں، تو انھوں نے کہا کہ ایسا شخص غلط ہے یا صحیح؟ اس کا جوا ب ہمیں وہی دے سکتا ہے جو مذہبی ہو، ان کے کہنے کا مطلب یہ تھا کہ جس پیر جی کا ذکر میں کررہا ہوں وہ مجذوب ہوسکتا ہے۔ آپ بتائیں کہ کیاایسا ہوسکتا ہے کہ ایک شخص جو مہینوں تک غسل نہیں کرتا ہو، نشہ آور دوا پیتا ہو اور راہگیروں کویا اپنے پاس آنے والوں کو گالیاں دیتا ہو کیا وہ مجذوب یا اس درجہ میں آسکتا ہے؟ کیا ایسے شخص سے لوگوں کو بچانے کے لیے اس کو براکہا جاسکتا ہے؟