متعلقہ سوالات

گزشتہ رات میں نے خواب دیکھا کہ میں اپنے سر پر ایک سفید ٹوپی پہنے ہوئے ہوں لیکن اس کی سائز میرے سر سے کچھ چھوٹی ہے۔ برائے کرم مجھ کو اس خواب کی تعبیر بتائیں۔

میں نے سنا ہے کہ ایک مسلم کو اپنا شجرہ نسب یاد ہونا چاہیے۔ اس بات میں کہاں تک سچائی ہے۔ اور اگر سچائی نہیں بھی ہے تو مجھے بتائیں کہ ہمارا شجرہ نسب کیا ہوگا؟جیسا کہ میں اہل سنت سے تعلق رکھتا ہوں۔ اہل سنت کہاں سے شروع ہوا، جن بزرگوں نے بنیاد رکھی ان کا موجودہ اہل سنت سے کوئی شجرہ ملتا ہے یا کہ نہیں؟مجھے بتائیں۔ (۲) اورایک بہت اہم سوال ہے کہ ایک دفعہ میں راستے سے جا رہا تھا تو میری ہی عمر کی ایک لڑکی جس کی حالت ٹھیک نہیں تھی میرا مطلب کہ وہ بیمار تھی اور بہت زیادہ کمزوری محسوس کررہی تھی ،جب میں اس کے پاس سے گزرا تو اس نے مجھ سے مدد مانگی۔ اب وہاں پر کوئی اورنہیں تھا، یعنی جہاں وہ بیٹھی ہوئی تھی وہاں سے کوئی اورگزر نہیں رہا تھا۔ اس کی حالت سے ایسا لگتا تھا کہ وہ بہت بیمار ہے۔ اب میں پریشان ہوگیا، کیوں کہ میں اس کے لیے غیر محرم تھا (اگر چہ وہ مسلم نہیں تھی) لیکن تھی تووہ لڑکی ہی۔ لیکن اس کی حالت دیکھ کرمیں نے اس کو سہارا دیا، اس کے ہاتھوں کی ہتھیلیوں کی تھوڑا سی مالش کی اوراس کو پکڑ کر ٹیکسی تک بٹھایا ۔تومیں پوچھنا یہ چاہتا ہوں کہ اس قسم کی مجبوری کی حالت میں کیا کرنا چاہیے؟ میں کس حد تک گناہ کا مرتکب ہوا ہوں؟

قریب چار سال پہلے میں نے ایک خواب دیکھا تھا اس کی تعبیر پوچھنا چاہتاہوں، پہلے تو یہ خواب میں نے کسی کو اس ڈر سے نہیں بتایا کہ ہو سکتا ہے یہ کوئی شیطانی وسوسہ ہو، لیکن آج آپ کی ویب سائٹ پر ایک خواب کی تعبیر پڑھی اس لیے پوچھنے کی ہمت ہوئی۔ خواب درج ذیل ہے:ایک رات میں نے خواب میں دیکھا کہ کہیں کوئی گاؤں ہوتاہے وہ بھی پرانے زمانے کا، وہاں پر کچھ پہاڑ بھی ہوتا ہے اورمیں کھلے آسمان کے نیچے مٹی پرکھڑا ہوں،ویسے تو وہ عام سی زمین ہی ہوتی ہے لیکن نہ جانے کیوں مجھے وہ مٹی بہت خاص معلوم ہوتی ہے۔ خیر اتنے میں گوئی لطیف مادہ کی ہستی مجھے پکارتی ہے، جب میں دیکھتا ہوں تومجھے محسوس ہوتاہے کہ یہ اللہ کی ہستی ہے۔ مجھے کوئی شکل دیکھائی نہیں دیتی بس ایسا محسوس ہوتاہے کہ کوئی میرے سامنے کھڑا ہے، ہوا میں معلق ہے اور مجھ سے کوئی بات کررہا ہے۔ اورمجھے ابھی ہلکا ہلکا یاد ہے کہ وہ ہستی میرے سر پر ہاتھ پھیرتی ہے اور مجھ سے کچھ بات بھی کرتی ہے جو کہ مجھے یاد نہیں اورمیری آنکھ کھل گئی۔ اگر ایسا خواب پوچھنے سے کوئی گستاخی ہوئی ہے تو اللہ مجھے معاف کرے اور آپ مجھے اس کا جواب بھیج دیں تو مہربانی ہوگی۔

میں نے بوقت صبح صادق یہ خواب دیکھا ہے کہ کفن میں ملبوس ایک مردہ کو کسی انجان آدمی کے سہارے اپنے ہاتھوں سے اٹھاکر دفن کرنے کے لیے قبر میں رکھنے جارہاہوں۔اچانک میرے ہاتھوں سے مردہ قبر کے قریب گر گیا، اس لیے کہ مجھے بہت زیادہ بوجھ محسوس ہوا ، لیکن دفن نہیں کر پایا چونکہ مردہ میرے ہاتھوں سے قبر کے باہر ہی گر چکا تھا۔ براہ کرم، اس کی تعبیربتائیں۔