متفرقات >> دیگر
سوال نمبر: 164763
جواب نمبر: 164763
بسم الله الرحمن الرحيم
Fatwa:1484-1235/D=12/1439
حدیث میں ہے سباب الموٴمن فسوق کسی مسلمان کو برا بھلا کہنا فسق اور برائی کی بات ہے، پھر کسی عالم کے لیے نازیبا الفاظ استعمال کرنا یا غلط نام سے اسے پکارنا اور بھی سخت جرم ہے، جو تَنَابز بالالقاب میں داخل ہے اور قرآن میں اس کی مذمت آئی ہے نیز تضحیک کرنے کی ممانعت بھی قرآن میں آئی ہے ولایسخر قوم من قوم الآیة
پس کسی عالم کی توہین وتضحیک کا طریقہ اختیار کرنا سنگین جرم ہے عالم ہونے کی بنیاد پر ایسا کرنا بسا اوقات کفر کا اندیشہ ہے لہٰذا شخص مذکور کو ایسی حرکت سے توبہ کرنا واجب ہے اور ان عالم سے معافی مانگیں۔ اگر وہ اپنی حرکت پر اصرار کرے تو اس سے کنارہ کشی اختیار کرلی جائے روابط رکھنے سے احتیاط برتیں۔
واللہ تعالیٰ اعلم
دارالافتاء،
دارالعلوم دیوبند