عنوان: نمائش والے عورتوں کے پتلے دیکھ کر سوٹ پسند کرنے کا حکم

سوال: میری عمر ۲۰/ سال ہے اور میں حنفی مسلک سے تعلق رکھتا ہوں۔ کبھی کبھار مارکیٹ میں جاتا ہوں تو بہت سی دکانوں میں عورتوں کے پتلے ہوتے ہیں جن کو اچھا سا سوٹ پہنایا ہوا ہوتا ہے نمائش کے لیے۔ کیا مرد کا اس نمائش شدہ عورت کے پتلے کو دیکھنا جائز ہے؟ (۲) کبھی کبھار اس عورت کے پتلے کو صرف عورتوں والا بلاوٴز اور اَنڈر ویئر پہنایا ہوا ہوتا ہے، کیا اس وقت بھی دیکھنا جائز ہے؟ میں مارکیٹ میں اکثر بیوی کے لیے کچھ دیکھنے جاتا ہوں، جب کوئی پتلہ دیکھتا ہوں، اگر مجھے اچھا لگتا ہے تو لے لیتا ہوں۔ براہ کرم رہنمائی فرمائیں۔

جواب نمبر: 15941801-Sep-2020 : تاریخ اشاعت

بسم الله الرحمن الرحيم

Fatwa:670-614/N=7/1439

(۱، ۲): شریعت میں بالقصدوارادہ جان دار کی تصویر یا مجسمہ دیکھنا بھی ناجائز وممنوع ہے اور اگر تصویر یا مجسمہ لڑکی کا ہو اور وہ بھی اکثر برہنہ تو اس کا دیکھنامزید ممنوع وناجائز ہوگا (جواہر الفقہ،۷:۲۶۴، ۲۶۵، رسالہ: تصویر کے شرعی احکام ، مطبوعہ: مکتبہ دار العلوم کراچی، احسن الفتاوی (۸: ۱۸۹، ۱۹۰مطبوعہ :ایچ، ایم سعید کراچی، اور مسائل خواتین موٴلفہ: حضرت مولانا محمد یوسف صاحب لدھیانوی۲: ۵۹۰وغیرہ)؛ اس لیے کوئی سوٹ پسند کرنے کے لیے آپ نمائش شدہ عورت کے پتلے کو نہ دیکھا کریں؛ بلکہ اس کے بغیر سوٹ پسند کیا کریں۔

وھذا کلہ مصرح في مذھب المالکیة وموٴید بقواعد مذھبنا ونصہ عن المالکیة ما ذکرہ العلامة الدردیر فی شرحہ علی مختصر الخلیل حیث قال:یحرم تصویر حیوان عاقل أو غیرہ إذا کان کامل الأعضاء إذا کان یدوم،وکذا إن لم یدم علی الراجح کتصویرہ من نحو قشر بطیخ، ویحرم النظر إلیہ إذ النظر إلی المحرم لحرام اھ( از بلوغ القصد والمرام ص :۱۹)۔ (جواہر الفقہ، ۷: ۲۶۵)۔وفي حاشیة الفتال:وذکر الفقیہ أبو اللیث في تأسیس النظائر أنہ إذا لم یوجد في مذھب الإمام قول في مسألة یرجع إلی مذھب الإمام مالک؛ لأنہ أقرب المذاھب إلیہ (رد المحتار،کتاب الطلاق، باب الرجعة، ۵: ۴۲، ط: مکتبة زکریا دیوبند)۔