متعلقہ سوالات

والدین شادی میں تاخیر کرنا کیسا ہے؟ نیز یہ بتائیں کہ مطبوعہ تفسیر ابن عباس‏، اور اسد الغابہ کیسی کتابیں ہیں؟

میں اکیس سالہ لڑکا ہوں۔ ایک ماہ قبل میں اپنے گھر میں سو رہا تھا، میں نے خواب دیکھاکہ میں اپنے پیارے رسول صلی اللہ علیہ وسلم کے سامنے بیٹھا ہوں۔ صحابہ کرام بھی موجود تھے، لیکن مجھے ان کے چہرے یاد نہیں ہے۔ میں نے دیکھا کہ ہمارے نبی بہت خوش تھے اورآپ میری طرف مسکرا تے ہوئے دیکھ رہے تھے۔ آپ ﷺ کے سامنے آم رکھے ہو ئے تھے۔ کچھ دیر کے بعد آپ ﷺ نے آم کاٹنا شروع کیا اورمیں اسے تقسیم کرنے لگا۔ پھر میں نے جانا کہ اگر میں سبھی آم تقسیم کردوں تو میں کیا کھاؤں گا، پھر میں نے دیکھا کہ آپﷺ گٹھلی کھار ہے تھے، جب آپﷺاسے پھینک دئیے تو میں نے اسے اٹھا یااور چوسنے لگا ۔میں نے دیکھا کہ آپ صلی اللہ علیہ وسلم مسلسل مسکرا رہے تھے اورمیری طرف دیکھ رہے تھے۔میں نے یہ خواب پہلے بھی دیکھا تھا۔ مفتی صاحب! میں اچھا آدمی نہیں ہوں، اس کے باوجود میں یہ اچھا خواب دیکھا۔ مجھ سے بہت زیادہ گناہ سرز د ہوئے ہیں۔ میں نے گناہوں سے بچنے کی بہت کوشش کی مگر کامیاب نہیں ہوا۔

یہ ایک خواب ہے۔ کل بروز7جولائی میں نے دیکھا کہ میری امی نے مجھے کچھ پیسے دئے کہ میں مارکیٹ سے بٹن لے کر آؤں۔ پیسے مجھے کم لگے مگرمیں چلا گیا اور اپنی طرف سے بھی پیسے نہ رکھے۔ پھر میں ایک دکان گیا۔ میں اس دکان میں نہیں جانا چاہ رہا تھا مگر میں نے سوچا کہ شاید یہیں سے کچھ مل جائے۔ دکان چھوٹی تھی۔ دکان کے اند رگیا تو دیکھاکہ میری خالہ بھی موجود ہیں۔ امی سب سے بڑی بہن ہیں اور خالہ کا نمبر بہنوں میں پانچواں ہے۔ پھر میں خالہ کے ساتھ مل کربٹن دیکھنے لگتا ہوں۔ کچھ اچھے نہیں لگتے اورکچھ مہنگے تھے۔ پھر خالہ نے تین بٹن کا سیٹ پسند کیا۔ اس کا رنگ کالا تھا مگر دیکھنے میں بہت جاذب لگ رہا تھا، اور قیمت بھی زیادہ تھی اوران بٹن کا سائز بھی بڑا تھا۔ خالہ کہتی ہیں کہ یہ لے لو،مگر میں کہتا ہوں کہ یہ بٹن مہنگے ہیں اورمیں اتنے پیسے لے کر نہیں آیا ہوں۔ خالہ نے کہا کہ یہ میری طرف سے باجی (میری امی) کو تحفہ دے دینا۔ دکان دار ان بٹن کو پیک کرنے لگتا ہے تو میں کھڑا ہوجاتا ہوں اور دکان دار سے کہتا ہوں کہ اگر تم نے ایسا کیا تو میری اورتمہاری بات خراب ہوجائے گی۔ میرا کہنا ایسا ہوتا ہے کہ اگر دکان دار نے ان بٹن کو پیک کردیا تو مجھے لینا پڑجائے گا۔ مگر میں دکان سے باہر آجاتا ہوں اور اتنے میں میری آنکھ کھل جاتی ہے۔ یہ خواب میں نے ظہر کے بعد دیکھا تھا۔ بڑی گہری نیند میں تھا مگر جیسے ہی اٹھا تو یہ میرے دماغ میں بس گیا اور ابھی تک ہے۔

(۱)جس جگہ پر اذان کی آواز بالکل بھی نہ جاتی ہو جیسے جنگل وغیرہ ایسی صورت میں وقت دیکھ کرنماز ادا کرلینی چاہیے یا پھر اذان دے کرآدمی نماز ادا کرے گا؟ اور ایسی ہی صورت کسی عورت کے ساتھ پیش آئے کہ اذان کی آوزاز نہیں جارہی ہے اور وہ عورت اذان بھی نہیں دے سکتی تو اسے بھی بنا اذان کے نماز ادا کرنی پڑے گی؟(۲)میرا ایک دوست ہے جس کا نام محمد عمران ہے ، ان کے بڑے بھائی کو خواب میں دکھائی دیا کہ ان کے والدین حج کرنے کے لیے گئے۔ اور ایسا ہی خواب ان کی بھتیجی کو دکھائی دیا اور پھر ایسا ہی خواب میرے دوست محمد عمران کو دکھائی دیا۔ فرق یہاں رہا کہ محمد عمران بھی خود والدین کے ساتھ حج کو گئے۔ برائے کرم اس کی تعبیر بتادیجئے۔ یہ دونوں سوال محمد عمران کے ہی ہیں۔

وطن (اپنے ملک) سے محبت کے سلسے میں کیا حکم ہے؟