متفرقات >> دیگر
سوال نمبر: 150310
جواب نمبر: 150310
بسم الله الرحمن الرحيم
Fatwa: 791-780/N=7/1438
(۱، ۲): رضاخانی لوگ ہمارے اکابر علمائے دیوبند کی بعض عبارات پر جو مختلف بے بنیاد اعتراضات کرتے ہیں اور ان کی آڑ میں ہمارے اکابرین پرناجائز وبے جا زبان طعن دراز کرتے ہیں، اس کے لیے حضرت مولانا محمد سرفراز خاں صفدررحمہ اللہ نے ”عبارات اکابر“ کے نام سے ایک کتاب تالیف فرمائی ہے، جس میں حضرت مولانا نے رضاخانی بھائیوں کے ان اعتراضات کی حقیقت اور ان کے دجل وفریب کو واضح کیا ہے اور ان کے اعتراضات کے واضح،مدلل اورمسکت جوابات دیے ہیں ؛ لہٰذا آپ اس کا مطالعہ فرمائیں۔ اور اگر اس میں کوئی بات سمجھ میں نہ آئے یا اس کی کسی بات پر کوئی علمی اشکال ہو تو و ہ مدلل طور پر تحریر کرکے بھجیں ،إن شاء اللہ اس کا تشفی بخش جواب دیا جائے گا۔
واللہ تعالیٰ اعلم
دارالافتاء،
دارالعلوم دیوبند