• متفرقات >> دیگر

    سوال نمبر: 11756

    عنوان:

    میرا دوست کہتاہے کہ چھ کلمے بدعت ہیں کیوں کہ یہ ماضی میں نہیں تھے۔ برائے کرم بتائیں کہ چھ کلمے بدعت ہیں کیا؟

    سوال:

    میرا دوست کہتاہے کہ چھ کلمے بدعت ہیں کیوں کہ یہ ماضی میں نہیں تھے۔ برائے کرم بتائیں کہ چھ کلمے بدعت ہیں کیا؟

    جواب نمبر: 11756

    بسم الله الرحمن الرحيم

    فتوی: 347=314/ب

     

    یہ چھ کلمے بدعت نہیں ہیں، یہ کلمے سب رسول پاک صلی اللہ علیہ وسلم سے احادیث میں ثابت اور موجود ہیں۔ بچوں کو یاد کرانے کے لیے سہولت کی وجہ سے پہلا دوسرا تیسرا کلمہ نام رکھ دیا گیا ہے، جیسا کہ قرآن پاک میں اللہ تعالیٰ نے اس کی کوئی تقسیم نہیں کی، بعد میں لوگوں نے پڑھنے اور حفظ کرنے کی سہولت سے پہلا پارہ، دوسرا پارہ، تیسرا پارہ، حتی کہ تیس پاروں میں تقسیم کردیا۔ اسے بدعت نہیں کہیں گے۔


    واللہ تعالیٰ اعلم


    دارالافتاء،
    دارالعلوم دیوبند