عنوان:

بچے كی پیدائش پر لوگ جو پیسہ بچے كے نام پر دیتے ہیں ‏، اس كو كس كام میں استعمال كرنا چاہیے؟

سوال:

جب بچہ پیدا ہوتا ہے تو لوگ اسکو دیکھنے آتے ہیں ، کچھ لوگ اس کے والدین کو پیسے دیتے ہیں اور کہتے ہیں کہ یہ بچہ کے ہیں، کیا جب بچہ بڑا ہوگا تو والدین کو وہ پیسے بچہ کو دینے پڑیں گے ؟

جواب نمبر: 60253002-Feb-2021 : تاریخ اشاعت

بسم الله الرحمن الرحيم

Fatwa : 437-371/M=06/1442

 اگر دینے والے خاص کر بچہ کو ہی دیتے ہیں، والدین کو دینا مقصود نہیں ہوتا تو ایسی صورت میں بچہ اُن پیسوں کا مالک ہوتا ہے اور جو چیز نابالغ کی ملک ہو اس کا حکم یہ ہے کہ اُسی بچے کے کام میں لگانا چاہئے، کسی کو اپنے کام میں لانا جائز نہیں، خود ماں باپ بھی اپنے کام میں نہ لاویں۔ (بہشتی زیور، حصہ: 5)