معاملات >> دیگر معاملات
سوال نمبر: 51099
جواب نمبر: 51099
بسم الله الرحمن الرحيم
Fatwa ID: 423-344/D=4/1435-U ایجنٹ جو کہ ویزا حاصل کرنے کی کوشش کرتا ہے پھر اس ویزے پر بھیجنے کے لیے کسی کو تیار کرتا ہے اور بھیجنے کی کارروائی کی تکمیل کراتا ہے اس محنت کے عوض جس کو بھیج رہا ہے اس سے کچھ محنتانہ لیتا ہے اس طرح ایجنٹ کا حق المحنة کے طور پر کچھ رقم لینا جائز ہے، آپ نے اپنے بارے یں جو تفصیل لکھی اس سے یہ واضح نہیں ہوسکا کہ شیخ کے یہاں آپ کس کام کے لیے ملازم ہیں؟ ملازمت کی ذمہ داریوں سے الگ ویزا حاصل کرنے یا دوست کو بھیجنے کے سلسلہ میں آپ نے کوئی محنت یا ذاتی رقم اس کام میں خرچ کی ہے یا نہیں؟ اگر صرف اتنا ہی ہوا ہے کہ شیخ نے ویزا دیا اور آپ نے دوست کو بھیج دیا تو اس پر معاوضہ لینا بظاہر ٹھیک نہیں یا شیخ کے ملازم کی حیثیت سے آپ نے مفوضہ کام انجام دیا یعنی دوست کو بھیج دیا تو بھی یہی حکم ہے، یعنی ٹھیک نہیں۔
واللہ تعالیٰ اعلم
دارالافتاء،
دارالعلوم دیوبند