متعلقہ سوالات

میں ایک موبائل سروس فراہم کرنے والی کمپنی (ٹیلی نور) کے ساتھ بزنس کررہا ہوں، ایک ناروے کے اخبار میں کارٹون چھپنے کی وجہ سے کچھ دکاندار ہمارے ساتھ کام نہیں کرتے ہیں، لیکن یہ موبائل کمپنی اس میں ملوث نہیں تھی۔ اس کے صدر اس معاملہ کی مذمت کرتے ہیں اورمسلم دنیاسے معافی مانگتے ہیں۔ کیا اس موبائل سروس والی کمپنی کے ساتھ بزنس درست ہے؟ براہ کرم، ان دکانداروں کومشورہ دیں۔

میں دیوبند کے عظیم علماء میں سے ایک عالم ، مفتی ذر ولی خان (جامعہ احسان العلوم کراچی) کو انٹرنیٹ پر سنتاہوں ، لیکن ان سے میرا براہ راست رابطہ نہیں ہوسکاہے۔ اور میں نے ان سے سناہے کہ آج کل کے رائج بنیک کے طریقے حرام ہیں۔اس لیے میں آپ سے ایک سوال کرنا چاہتاہوں۔میں یونیورسٹی سے ڈگری لے کرکاروبار شروع کرنا چاہتاہوں جس کے لیے مجھے ابتدائی انوسمنٹ کے لیے پیسے کی ضرورت پڑے گی۔مجھے یہ بتائیں کہ قرض حسنہ کے علاوہ کونسا طریقہ مطلقاً جائزہے جس میں کوئی شرعی شک و شبہ تک نہ ہو ۔جزاکم اللہ!

زید نے چار سال پہلے ایک شخص کو تین لاکھ روپے قرض دیے اس شرط پر کہ اس رقم سے تم اپنے نامکمل مکان کو مکمل کرکے مجھے پانچ سال کے لیے دو ہزار روپئے ماہوار پر مجھے کرایہ پر دوگے؟ ان تین لاکھ روپے میں سے ساکی لاکھ بیس ہزار روپئے ایڈوانس کرایہ کے طور پر مقرر ہے جب کہ باقی رقم مالک مکان جلد از جلد واپس کرے گا؟ اب چوتھے سال مالک مکان زید کو بقایا رقم واپس کرنا چاہتا ہے لیکن زید کہتا ہے کہ اس وقت روپے کی قیمت زیادہ تھی اس وقت روپے کی قیمت کم ہے، لہٰذا اب تم مجھے اس سے زیادہ دو گے؟ کیا زید کا یہ مطالبہ صحیح ہے؟

میری والدہ کا انتقال دو سال پہلے ہوچکا ہے، ان کے ذمے قرض تھا جس کی بیٹے نے ذمے داری لی تھی، اور دوکان والوں کو بھی کہہ دیا کہ اس کا ذمہ دار میں ہوں، میری والدہ کو نہ بولیں، اور انھوں نے والدہ سے اتنی رقم لے لی اب اب وہ انکار کرہا ہے کہ میں نہیں جانتا ہوں، کیا گناہ گار والدہ ہوگی یا بیٹا ہوگا؟

مفتی صاحب آپ کی خدمت میں میرا یہ سوال ہے کہ ہمارے آفس میں ایک قانون ہے کہ ساڑھے سات بجے کے بعد شام کا کھانا اوردوسری سہولیات کا الاؤنس ملتا ہے لیکن بوس کی مرضی ہوتی ہے کہ وہ دے یا نہ دے۔ تو ایسی صورت حال میں ہمیں کیا کرنا چاہیے؟(۲)دوسرا یہ کہ جیسے ہم سب کو کام کر تے کرتے دس بج جائے او رہمارا حاکم ہمیں ڈنر نہ کروائے لیکن ہم ڈنر کا بل بنا کر اکاؤنٹ آفس میں دے دیں او رڈنر کے پیسے لے کر آپس میں تقسیم کر لیں تو کیا یہ جائز ہوگا؟ (۳)تیسرا یہ کہ ہمارے آفس میں گیارہ بجے کے بعد ٹیکسی کا کرایہ ملتا ہے لیکن اکثر اوقات ایسا ہوتا ہے کہ ہم لوگ دس بج کر پچاس منٹ پر بھی چلے جاتے ہیں تو پھر ہم لوگ اپنے واوچر میں گیارہ بجے یا اس سے زیادہ کا وقت لکھ کر ٹیکسی کا کرایہ لے لیتے ہیں تو کیا اس طرح کرایہ لینا جائز ہو گا؟ اب میں آپ کو اخیر میں صحیح سے اپنا سوال سمجھا دیتا ہوں۔ (۱)دفتر کے قانون کے مطابق کام کیا جائے لیکن پھر بھی کرایہ او رکھانا نہ ملے تو ایسی صورت حال میں ہم کو کیا کر نا چاہیے؟ (۲)ایسے کھانے کے پیسہ کا مطالبہ کرنا جس کو کھایا ہی نہ گیا ہو توکیا وہ پیسہ جائز ہوگا؟ (۳)ایسا ٹیکسی کا کرایہ کہ جب ٹیکسی میں سفر کیا ہی نہ گیا ہو یا گیارہ ہی نہ بجے ہوں تو کیا وہ پیسہ جائز ہوگا؟