معاملات >> دیگر معاملات
سوال نمبر: 12035
میرے والد صاحب نے وفات سے قبل مکان وغیرہ میری والدہ کے نام کردیا والدہ نے بعد میں اس کا قبضہ مجھے دے کر میرے نام سے رجسٹری کرادی اور مجھے کہا کہ اپنی بہنوں کا خیال رکھنا۔ میں نے چھوٹی بہن کی شادی کی اور اپنی خوشی سے ان کو بھی حصہ دے دیا۔ میری بڑی بہن کی وفات کے بعد اس کی بیٹی مجھ سے حصہ مانگ رہی ہے۔ اس سلسلے میں شریعت کا کیا حکم ہے، برائے مہربانی فتوی ارسال فرمائیں۔
میرے والد صاحب نے وفات سے قبل مکان وغیرہ میری والدہ کے نام کردیا والدہ نے بعد میں اس کا قبضہ مجھے دے کر میرے نام سے رجسٹری کرادی اور مجھے کہا کہ اپنی بہنوں کا خیال رکھنا۔ میں نے چھوٹی بہن کی شادی کی اور اپنی خوشی سے ان کو بھی حصہ دے دیا۔ میری بڑی بہن کی وفات کے بعد اس کی بیٹی مجھ سے حصہ مانگ رہی ہے۔ اس سلسلے میں شریعت کا کیا حکم ہے، برائے مہربانی فتوی ارسال فرمائیں۔
جواب نمبر: 12035
بسم الله الرحمن الرحيم
فتوی: 814=679/د
اگر آپ کی والدہ نے مکان آپ کو ہبہ کرکے قبضہ ودخل دے دیا تھا اس میں آپ کی بہنوں کا حق نہیں ہے، اور اگر صرف آپ کے نام رجسٹری کرائی تھی تو اس میں تمام ورثہ کا حق آپ کو دینا ہوگا، بڑی بہن کا انتقال والدہ کے بعد ہوا ہے تو بڑی بہن بھی وارث ہوں گی اور ان کے انتقال کے بعد ان کے بچوں کا حق ہوگا، لہٰذا بڑی بہن کی بیٹی کا حصہ مانگنا اس صورت میں بجا اورجائز ہے۔
واللہ تعالیٰ اعلم
دارالافتاء،
دارالعلوم دیوبند