عنوان:

کسی چیز کو اپنے اوپر حرام کرلینے سے کیا وہ چیز حقیقت میں حرام ہوجاتی ہے؟

سوال:

کسی شخص نے کہا کہ میں فلاں شخص کے گھر میں کھانا نہیں کھاؤں گا ،اگر کھاؤں گا تو میرے لئے کھانا حرام ہوگا ،مگر اس شخص نے اس کے گھر میں کھانا کھا لیا ، اسی طرح کسی شخص نے کہا کہ تیرے گھر میں کھانا کھانا میرے لئے حرام ہے ، اب اس شخص نے کھانا کھا لیا ، تو کیا اس شخص پر دونوں صورتوں میں قسم کا کفارہ لازم ہے ؟ جبکہ اس نے قسم کا لفظ استعمال نہیں کیا۔

جواب نمبر: 60721010-Nov-2021 : تاریخ اشاعت

بسم الله الرحمن الرحيم

Fatwa:57-29/H-Mulhaqa=4/1443

 کھانے پینے وغیرہ کی کوئی چیز حرام کرنے سے وہ چیز شرعاً حرام نہیں ہوتی؛ البتہ قسم ہوجاتی ہے اور خلاف ورزی کی صورت میں قسم کا کفارہ واجب ہوتا ہے ( مدلل ومکمل اختری بہشتی زیور، ۳: ۵۲، قسم کھانے کا بیان، مسئلہ: ۸، مطبوعہ: کتب خانہ اختری متصل مظاہر علوم سہارن پور)، پس سوال میں ذکر کردہ دونوں صورتوں میں قسم ہوگئی اور جب اُس کی خلاف ورزی کی گئی تو کفارہ واجب ہوگیا۔

(ومن حرم) أي: علی نفسہ ……(شیئاً) ولو حراما أو ملک غیرہ ……(ثم فعلہ) بأکل أو نفقة ……(کفر) لیمینہ لما تقرر أن تحریم الحلال یمین (الدر المختار مع رد المحتار، کتاب الأیمان، ۵: ۵۰۸، ۵۰۹، ط: مکتبة زکریا دیوبند، ۱۱: ۲۹۹ - ۳۰۲، ت: الفرفور، ط: دمشق)۔