معاشرت >> نکاح
سوال نمبر: 7004
ہم ولیمہ کے کھانے میں بہت زیادہ روپیہ خرچ کرتے ہیں، کیا اسلام میں اس کی اجازت ہے یا یہ اسراف ہے؟ برائے کرم شادیوں میں ویڈیو گرافی اور ولیمہ کے کھانے کے بارے میں فتوی بھیجیں۔
ہم ولیمہ کے کھانے میں بہت زیادہ روپیہ خرچ کرتے ہیں، کیا اسلام میں اس کی اجازت ہے یا یہ اسراف ہے؟ برائے کرم شادیوں میں ویڈیو گرافی اور ولیمہ کے کھانے کے بارے میں فتوی بھیجیں۔
جواب نمبر: 700401-Sep-2020 : تاریخ اشاعت
بسم الله الرحمن الرحيم
فتوی: 1483=1302/ ب
اسراف کرنا تو ہرچیز میں منع ہے۔ ولیمہ میں جو لوگ اسراف کرتے ہیں وہ محض اپنی شہرت اور فخر کے لیے کرتے ہیں۔ اپنے اعزا، اقربا کو بلالیں۔ کچھ محلہ پڑوس کے لوگوں کو بلالیں اور اپنے دوست واحباب کو بلالیں۔ حدیث میں ہے أَوْلِمْ وَلَوْ بِشَاہٍ، ایک صحابی کو حضور صلی اللہ علیہ وسلم نے فرمایا کہ ولیمہ کرو اگرچہ ایک بکری کے ساتھ ہو۔ اور ویڈیو گرافی اسلام میں ناجائز و حرام ہے۔
واللہ تعالیٰ اعلم
دارالافتاء،
دارالعلوم دیوبند
شادی کے سلسلے میں میں نے استخارہ کیا تھا جس کانتیجہ مثبت نکلا تھا۔ لڑکی کے گھر والے سے بات چیت کی گئی اور ان کو یہ بتادیا گیا تھا کہ استخارہ کی بنیاد پر یہ پیغام نکاح لاگیا ہے۔ بہرحال ہو گیاہے مگر اب تک انہوں نے جواب نہیں دیا ہے کہ شادی کب ہوگی؟یا پھر انہوں نے پیغام قبول کیا ہے یا نہیں؟ ہم لوگوں نے بات کرنے کی کوشش کی ہے۔ براہ کرم، بتائیں کہ کیا ہم اس پیغام کو چھوڑ کر دوسری لڑکی تلاش کر سکتے ہیں؟ ہم لوگ استخارہ کے خلاف کوئی کام کرنانہیں چاہتے ہیں، لیکن کیا ایسے حالات میں استخارہ کے خلاف قدم اٹھانا درست ہے؟
2862 مناظرمیں نے ایک لڑکی سے نکاح کے بارے میں جو کہ نیک ہے اپنے گھر والوں سے مشورہ کیا سب نے کہا اچھی لڑکی ہے۔ اس لڑکی سے نکاح کرنا چاہا۔ ابو نے ایک جن سے پوچھا تو جن نے کہا تم دونوں کے ستارے نہیں ملتے۔ میں نے ابو سے کہا کہ اس کی اسلام میں گوئی حقیقت نہیں لیکن ابو نہیں مان رہے۔ تو میں نے استخارہ کیا۔ خواب میں دیکھتا ہوں کہ میں مجاہدین کے ساتھ ہوں ایک پہاڑ پر چڑھ رہا ہوں وہ پہاڑ بالکل سیدھا ہے ۔ چڑھنے میں بہت دشواری ہو رہی ہے۔ کبھی ہاتھ چھوٹ جاتا ہے تو کبھی ڈر جاتاہوں لیکن آخر میں ایک شخص جو پہلے سے پہاڑ پر چڑھا ہوتا ہے جو کہ مجاہدین کا امیر ہے میرا ہاتھ پکڑتا ہے اور نیچے سے دوسرا ساتھی مجھے ڈھکیلتا ہے تو پہاڑ پر چڑھ جاتا ہوں۔ کچھ دیر وہاں بیٹھتا ہوں پھر وہ پہاڑ جیسے گر جاتا ہے اور ہم دشمنوں کے پاس جاتے ہیں ۔ پھر مقابلہ کرتے ہیں وہاں سے نکل جاتے ہیں۔ لیکن پھر پکڑا جاتاہوں او ردشمن میری پیشانی پر کلہاڑا مارتا ہے خون نکلتا ہے اور میں ان سے دلیری سے جواب دے رہا ہوں او رخوش ہوں چہرے پر نور ہے۔ برائے کرم اس کی تعبیر جلد بتائیں۔
2301 مناظرمیرا ایک دوست جس کی شادی ہوئے ایک سال ہوگیا ہے او رجون 2009میں اس کے یہاں پہلی ولادت ہونے والی ہے، وہ ایک عجیب حالت کا شکار ہے۔ وہ شروع سے یہ محسوس کررہا تھا کہ اس کی بیوی شادی سے پہلے کسی اور لڑکے کو پسند کرتی تھی اور اس سے شادی کرنا چاہتی تھی لیکن اس کے ماں باپ کو وہ لڑکا پسند نہ ہونے کیوجہ سے یہ شادی نہیں ہوپائی۔ آج سے ایک مہینہ پہلے اس کی بیوی نے اس کے سامنے یہ بات قبول کرلی کہ شادی سے پہلے وہ ایک لڑکے کو پسند کرتی تھی اور اس کے ساتھ کالج میں آنا جانا تھا اوردوسری جگہ گھومتی بھی تھی۔ اب میرے دوست کا مسئلہ یہ ہے کہ اس نے آج تک کسی لڑکی کو اپنی بیوی کے علاوہ چھوا تک نہیں او رنہ کبھی کسی لڑکی سے اس طرح تنہائی میں ملا ۔تو وہ یہ حقیقت جاننے کے بعد بہت پریشان ہے کہ اس کی بیوی شادی سے پہلے کسی اور لڑکے کو پسند کرتی تھی او راس کے ساتھ گھومتی او رتنہائی میں ملتی تھی اس کو کسی نے کہا کہ اللہ قرآن میں فرماتا ہے کہ نیک عورت نیک مردوں کے لیے اور بری عورت برے مردوں کے لیے ہے، تو پھر اس کے ساتھ ایسا کیوں ہوا؟ کیا اس کو اپنی بیوی کو طلاق دے دینا چاہیے؟ علمائے کرام اس بارے میں کیا فرماتے ہیں۔
3595 مناظرڈھائی تولہ سونے کے بدلے نکاح ہوا تو مہر میں سونا دینا ہوگا یا رقم؟
8269 مناظرسوال یہ عرض کرنا ہے کہ ہمارے یہاں ایک شخص نے ایک عورت کے ساتھ زنا کیا اور اس سے حمل ٹھہر گیا۔ حالت حمل میں اس کے ساتھ نکاح جائز ہے یا نہیں؟جواب مرحمت فرماویں۔
2786 مناظرمیرے
گزشتہ دو سال سے ایک عورت کے ساتھ ناجائز تعلقات ہیں جس کا نام فاطمہ ہے ۔ اس کی
عمر تیس سال ہے وہ مطلقہ ہے اور پاکدامن نہیں ہے۔ ہم نے ماضی میں جنسی تعلقات قائم
کئے ہیں۔ جب اس کے والد نے اس کے اوپر کسی او ر سے شادی کرنے کا دباؤ بنایا تو اس
نے اپنے والد اور بڑے بھائی سے کہا کہ وہ میرے نکاح میں ہے۔چند دنوں کے بعد اس نے
دوبارہ اس بارے میں مجھے اطلاع کرکے اور میرے ساتھ بات چیت کرکے اپنے والد اور بڑے
بھائی کی موجودگی میں اس بات کا اعتراف کیا کہ اس نے اپنے آپ کو 1532/گرام چاندی
مہر کے بدلہ میں عبداللہ کے نکاح میں دیا ہے۔ اس کے والد نے کہا کہ بہتر ہے۔ یہ
روپیہ میں کتنا بنتا ہے؟ اور اس کے بھائی نے کہا بہتر ہے لیکن تم کو ہمیں بھی اس میں
شامل کرنا چاہیے تھا۔ میں نے بھی اپنے دو دوستوں کی موجودگی میں اعتراف کیا کہ میں
نے فاطمہ کو اپنے نکاح میں 1532گرام چاندی کے مہر کے عوض قبول کیا ہے۔ اوپر جو کچھ
میں نے لکھا ہے یہ میرے علم کے مطابق حرف بحرف ہے اور جوکچھ واقع ہوا اس کی صحیح
تفصیل ہے۔ برائے کرم مجھے شریعت کی روشنی میں بتائیں کہ کیا یہ نکاح درست ہے؟ میں
اس کو اس لیے نہیں پوچھ رہا ہوں کہ مجھے اس کا کہیں ثبوت پیش کرنا ہے۔ کیا اللہ رب
العزت کی نظر میں ہم میاں اور بیوی ہیں یا ہم اس وقت بھی زنا کا ارتکاب کررہے ہیں؟