معاشرت >> نکاح
سوال نمبر: 68198
جواب نمبر: 68198
بسم الله الرحمن الرحيم
Fatwa ID: 1176-1163/N=11-1437
والدین کا اولاد پر بڑا حق ہوتا ہے، اولاد کو حدود شرع کے دائرہ میں رہ کر والدین کی مرضی اور منشا کا خیال رکھنا چاہئے اور ان کی مرضی کے خلاف کوئی قدم نہیں اٹھانا چاہئے اور اولاد کی شادی کا مسئلہ بہت اہم ہوتا ہے، والدین اپنی اولاد کے لیے بہترین بیوی یا بہترین شوہر تلاش کرنے کی مکمل فکر وکوشش کرتے ہیں اور جو اولاد والدین سے چھپ کر اپنا نکاح کرلیتی ہے اس سے والدین کو بہت زیادہ قلبی اذیت ہوتی ہے اور معاشرہ کی بد نامی الگ؛ اس لیے آپ نے کسی ۲۹/ سالہ شادی شدہ عورت سے جو ناجائز محبت قائم کی یہ شریعت اور عرف کی نظر میں سخت معیوب وناجائز ہے اور اس بنیاد پر آپ نے والدین سے بھاگ کر اس سے نکاح کا جو فیصلہ کیا، و ہ بھی صحیح نہیں، آپ ہرگز یہ قدم نہ اٹھائیں؛ بلکہ اس عورت سے تمام تعلقات وروابط ختم کرلیں اور آپ کے والدین آپ کے لیے جو مناسب رشتہ تجویز کریں آپ اسے قبول کریں، اللہ تعالی آپ کو ہدایت اور صحیح سمجھ عطا فرمائیں۔
واللہ تعالیٰ اعلم
دارالافتاء،
دارالعلوم دیوبند