معاشرت >> نکاح
سوال نمبر: 609708
ڈھائی تولہ سونے کے بدلے نکاح ہوا تو مہر میں سونا دینا ہوگا یا رقم؟
سوال : کیا فرماتے ہیں علماء دین اس مسئلہ کے بارے میں کہ زید نے اپنی بیوی سے ڈھائی تولے زیور سونے کے بدلے جس کی قیمت کی تصریح ایک لاکھ روپے کے ساتھ کردی تھی،نکاح کیا تو اب اتنے وزن کی ادائیگی کا اعتبار ہوگا یا قیمت کا؟ جبکہ اب مارکیٹ میں سونے کی قیمت بڑھ چکی ہے؟
جواب نمبر: 609708
بسم الله الرحمن الرحيم
Fatwa: 782-626/M=07/1443
صورت مسئولہ میں اگر حق مہر كا تعین فی الواقع وزن (ڈھائی تولہ سونے كا زیور) كے اعتبار سے طے ہوا تھا اور قیمت كی تصریح یوں ہی ضمناً كردی گئی تھی تو زید (شوہر) كے ذمہ حق مہر میں ڈھائی تولہ سونے كی ادائیگی لازم ہے اور اگر سونے كے اعتبار سے مہر طے كرنا مقصود نہ تھا بلكہ روپئے میں (ایك لاكھ روپئے) مہر طے ہوا تھا تو ایك لاكھ روپئے كی ادائیگی لازم ہے۔
واللہ تعالیٰ اعلم
دارالافتاء،
دارالعلوم دیوبند