معاشرت >> نکاح
سوال نمبر: 607944
بیوی کا شوہر پر کیا حق ہے؟
سوال : میری بیوی کا میرے اوپر کیا حقوق ہیں؟ کیا اُسے میری ہر بات ماننا ضروری ہے ؟ اورکیا شریعت کے مطابق ہم اسے ہر کام کروا سکتے ہیں اپنے مرضی کا؟
جواب نمبر: 607944
بسم الله الرحمن الرحيم
Fatwa : 547-437/B=05/1443
شریعت کی حدود میں رہ کر آپ کی جائز باتیں ماننا اس کے لیے ضروری ہے، لیکن اپنی ہر مرضی کو بیوی سے منوانا ضروری نہیں۔ آپ کا یعنی بیوی کا حق آپ کے اوپر یہ ہے کہ آپ اس کے ساتھ اخلاق و محبت سے پیش آئیں، اسے زر خرید لونڈی نہ سمجھیں، اس کے ساتھ سختی سے بات نہ کریں، نہ اسے ماریں، نہ گالی گلوج سے بات کریں، یہ سوچیں کہ وہ اپنے ماں باپ کے ساتھ کو، اپنے گھر کو، غرض ہر چیز کو چھوڑ کرکے آپ کے پاس آئی ہے۔ تفصیل کے لیے حقوق زوجین کتاب کا مطالعہ کریں۔
واللہ تعالیٰ اعلم
دارالافتاء،
دارالعلوم دیوبند