متعلقہ سوالات

حضرت میری منگنی جولائی ۲۰۰۷ء میں ہوئی اور اس کے بعدمیں کام کے سلسلے میں متحدہ عرب امارات آگیا۔ یہاںآ کر مجھے معلوم ہوا کہ یہاں پر غیر شادی شدہ لوگوں کو فلیٹ نہیں مل سکتا۔تو میں نے اپنے گھر اور سسرال والوں سے کہا کہ میرا نکاح کردیں تاکہ میں فلیٹ کے لیے درخواست دے سکوں اور دوسرے مجھے ۱۵/ فیصدی شادی الاؤنس بھی آفس سے مل جائے۔ میرے سسرال والے تو نکاح پر راضی نہ ہوئے البتہ انھوں نے یہ کہا کہ ہم ایک نکاح نامہ بنواکر آپ کو دے دیتے ہیں اور یہی نکاح نامہ بعد میں بھی رہے گااسی پر لڑکی اور اس کے گواہ کے دستخظ لے کر اور آپ شادی کے گواہ کے دستخظ لے کر اسی سے کام چلا لیں اور انھوں نے ایسا ہی کیا۔ اب اس نکاح نامہ پر میری طرف سے میری اور شادی کے گواہوں کی دستخط موجود ہے اور لڑکی والوں کی طرف سے لڑکی کے وکیل اور ان کے گواہوں کے دستخط موجود ہیں۔ نہ تو کوئی اجتماع ہوانہ ہی خطبہ نکاح پڑھا گیا۔ لیکن جن قاضی صاحب نے نکاح نامہ رجسٹرکیا وہ بھی ایک عالم دین ہیں اور ایک مدرسہ میں حدیث کی تعلیم بھی دیتے ہیں ان کے مطابق یہ بھی نکاح ہوگیاہے اور یہ بھی نکاح ہی کی ایک شکل ہے۔ میرا سوال یہ ہے کہ (۱) کیا یہ نکاح واقعی ہوگیا ہے؟ (۲) کیا میری منگیتر اب میری بیوی ہے اور میں فون پر اس سے بات وغیرہ کرسکتا ہوں؟ (۳) کیا میں اسے یہ کہہ سکتا ہوں کہ وہ مجھے فون پر بوسہ لے اور میں اسے فون پر بوسہ لے سکتا ہوں؟ (۴) کیا وہ جو ۱۵/ فیصد شادی الاؤنس مجھے مل رہا ہے وہ میرے لیے حلال ہے اور جو گھر مجھے ملا ہے میں اس میں رہ سکتا ہوں وہ نکاح نامہ دکھانے کے بعد؟ آپ کے جواب کا انتظار رہے گا۔ جزاک اللہ!

میرا ایک دوست جس کی شادی ہوئے ایک سال ہوگیا ہے او رجون 2009میں اس کے یہاں پہلی ولادت ہونے والی ہے، وہ ایک عجیب حالت کا شکار ہے۔ وہ شروع سے یہ محسوس کررہا تھا کہ اس کی بیوی شادی سے پہلے کسی اور لڑکے کو پسند کرتی تھی اور اس سے شادی کرنا چاہتی تھی لیکن اس کے ماں باپ کو وہ لڑکا پسند نہ ہونے کیوجہ سے یہ شادی نہیں ہوپائی۔ آج سے ایک مہینہ پہلے اس کی بیوی نے اس کے سامنے یہ بات قبول کرلی کہ شادی سے پہلے وہ ایک لڑکے کو پسند کرتی تھی اور اس کے ساتھ کالج میں آنا جانا تھا اوردوسری جگہ گھومتی بھی تھی۔ اب میرے دوست کا مسئلہ یہ ہے کہ اس نے آج تک کسی لڑکی کو اپنی بیوی کے علاوہ چھوا تک نہیں او رنہ کبھی کسی لڑکی سے اس طرح تنہائی میں ملا ۔تو وہ یہ حقیقت جاننے کے بعد بہت پریشان ہے کہ اس کی بیوی شادی سے پہلے کسی اور لڑکے کو پسند کرتی تھی او راس کے ساتھ گھومتی او رتنہائی میں ملتی تھی اس کو کسی نے کہا کہ اللہ قرآن میں فرماتا ہے کہ نیک عورت نیک مردوں کے لیے اور بری عورت برے مردوں کے لیے ہے، تو پھر اس کے ساتھ ایسا کیوں ہوا؟ کیا اس کو اپنی بیوی کو طلاق دے دینا چاہیے؟ علمائے کرام اس بارے میں کیا فرماتے ہیں۔

جناب میرا سوال یہ ہے کہ میرے ایک جاننے والے ہیں جن کا نکاح قاضی کی مرضی سے 28نومبر2008کو ہوا تھا۔ انھوں نے کورٹ میرج کی تھی۔ وہ دو ماہ چھ دن ساتھ ساتھ رہے دو تین بار وہ لڑکی اپنے گھر بھی گئی۔ جب لڑکا اپنی بیوی کو گھر سے لینے گیا تو لڑکی کے والد نے پہلے ہی سے پولیس کو بلا رکھا تھا، پولس والے لڑکا اور لڑکی دونوں کو پولس اسٹیشن لے گئے اور وہاں زبردستی لڑکے سے طلاق دلایا گیا ۔کیا یہ طلاق ہوگیا؟ کیا یہ طلاق درست ہے؟ جس میں لڑکے کی مرضی نہیں تھی؟

ایک لڑکی کا کسی کے ساتھ عشق ہوگیا اوروہ ساری تدبیر اختیار کرنے کے بعد بھی چلی گئی یعنی جتنی کوششیں روکنے کی کرسکتے تھے کی، سمجھایا بھی خوب لیکن وہ موقع ملتے ہی اس لڑکے کے ساتھ چلی گئی۔ اب اس کے جانے کے بعد خاندان والوں میں تین فرقے ہو گئے (۱)ایک فرقہ تو کہتا ہے کہ جب وہ چلی گئی تو جانے دو چھوڑو اس کا چکر وہ جانے اس کا کام۔ (۲)دوسرا فرقہ یہ کہتا ہے کہ کسی طرح اس کو واپس بلایا جائے اور لڑکے پر مقدمہ چلایا جائے۔ لیکن مقدمہ والے لوگوں کا یہ یقین بھی نہیں کہ وہ مقدمہ کا بہانہ لے کر لڑکی کو بلاکر شاید اس کو ایذاء دیں، یا اور کسی طرح کا ظلم کریں ان کی طرف سے کوئی بعید بات نہیں۔ (۳)تیسرا فرقہ وہ یہ کہتاہے کہ اس کا نکاح اسی کے ساتھ کردیں۔ لیکن نکاح کرنے پر لڑکی کے والد راضی نہیں او رکیوں کہ بغیر اذن ولی غیر کفو میں نکاح ہو نہیں سکتا کیوں کہ لڑکا نیچی ذات کا ہے۔ تو اس صورت میں شرعی اعتبار سے کیا کرناچاہیے جواب سے آگاہ کریں؟

مباشرت کے وقت باتیں کرنا ؟

میری لڑکی کی شادی دو سال قبل ہوئی تھی۔ لڑکا اور اس کے گھر والے ہم سے عمر اور عقائد کے بارے میں جھوٹ لولے ، عمر کم بتاکر شادی کیا (اس وقت لڑکے کی عمر 34سال تھی لیکن وہ 27سال بتائے اور ہماری لڑکی کی عمر اس وقت 22سال تھی) اورساتھ ہی ان کے اورہمارے مذہبی عقائد بھی مختلف ہیں (وہ لوگ تبلیغی وہابی عقائد پر چلتے ہیں اوربہت ہی سخت ہیں)۔ اس مسئلہ میں بھی وہ جھوٹ بولے کہ وہ عام مسلمان ہیں اور ان کے پاس کوئی پابندی نہیں ہے۔ اگر ہم کو یہ دونوں باتیں صحیح بتاتے تو ہم ہرگز ان کے یہاں اپنی لڑکی کا رشتہ نہیں کرتے۔ ایک سال کے عرصہ میں تعلقات کافی خراب ہوگئے عمر کا فرق، عقائد کا فرق، مزاج اورطبیعت کے نہ ملنے سے لڑکی اس آدمی سے بیزار آگئی کیوں کہ وہ لڑکی سے اچھا سلوک نہیں کرتا اور ذہنی اذیت میں مبتلا رکھتاہے ۔ ہم نہ تو لڑکے کے گھر والوں سے اورنہ ہی لڑکے سے خوش ہیں اور اس رشتہ کو خلع کے ذریعہ ختم کرنے کی درخواست کیا لیکن وہ لوگ شرارتاً لڑکی کو خلع نہیں دے رہے ہیں اور کہہ رہے ہیں کہ یا تو ان سے صلح کرکے لڑکی کو واپس بھیج دیں یاپھر ایسے ہی لڑکی کو رہنے دیں گے یعنی خلع نہیں دیں گے۔ اور ہم کسی صورت میں اس رشتہ کو قائم کرنا نہیں چاہ رہے ہیں اس لیے کہ وہ لوگ بہت ہی غصہ والے اور بغض و کینہ پرور ہیں اور ہم کو یقین ہے کہ وہ لڑکی کو نقصان پہنچائیں گے........