معاشرت >> نکاح
سوال نمبر: 606294
نکاح کے لیے لڑکی دیکھنے کا طریقہ
کیا میں شادی سے پہلے کسی لڑکی کو دیکھ سکتا ہوں اور تصویر یا لائیو دیکھنے کے بعد رد کر سکتا ہوں یا نہیں؟ انہوں نے کہا کہ تصویر دیکھنے کے بعد میں رد نہیں کر سکتا کیونکہ والدین راضی ہیں۔
جواب نمبر: 606294
بسم الله الرحمن الرحيم
Fatwa : 163-120/D=02/1443
بہتر ہے کہ مستورات کے ذریعہ لڑکی کو دیکھنے کا معاملہ حل کیا جائے، مستورات لڑکے کی پسند کا لحاظ کرتے ہوئے لڑکی کے بارے میں مشورہ دیں یا لڑکی کی شکل واخلاق کے بارے میں لڑکے کو بتلائیں یہ زیادبہتر طریقہ ہے۔ اگر لڑکا کسی موقعہ پر چھپ چھپاکر دیکھ لے تو اس کی بھی گنجائش ہے۔ لڑکے لڑکی کے دیکھنے دکھانے کا باقاعدہ پروگرام نہ بنایا جائے۔ اگر لڑکی کے علم میں لاکر لڑکے نے دیکھنے کی کوشش کی پھر انکار کرنے میں لڑکی کی ناقدری اور بے وقعتی ہوگی، اس لئے مناسب نہیں۔
واللہ تعالیٰ اعلم
دارالافتاء،
دارالعلوم دیوبند