عنوان:

ویڈیو كال كركے نكاح كرلیا اور دو پڑوسیوں كو گواہ كے طور پر اطلاع دیدی‏، كیا نكاح درست ہوگیا؟

سوال:

میرسوال یہ ہے کہ میرے احباب میں سے ایک لڑکے نے اپنی پسند کی لڑکی سے ویڈیو کال کے ذریعہ نکاح کیا اور دونوں نے قبول ہے کہا تین مرتبہ اور گواہ کے طورپر دو پڑوسیوں کو اطلاع دی بعد میں کہ ہم نے نکاح کیا ہے اس کا گواہ رہنا، کیا یہ نکاح ہوا اور وہ دونوں میاں بیوی ہوگئے؟

براہ کرم، رہنمائی فرمائیں۔ جزاک اللہ

جواب نمبر: 60449405-Jun-2021 : تاریخ اشاعت

بسم الله الرحمن الرحيم

Fatwa : 1021-652/B=10/1442

 لڑکا لڑکی، دونوں گواہوں اور نکاح خواں کا سب لوگوں کا ایک مجلس میں ہونا نکاح کے لئے ضروری ہے۔ پھر لڑکی کی طرف سے صراحةً اجازت دینا اور لڑکے کی طرف سے قبول کرنا ضروری ہے۔ یہ سب کام دو مسلمان مرد گواہوں کے سامنے یعنی ان کی موجودگی میں ہونا ضروری ہے بغیر اس کے نکاح صحیح نہیں ہوتا لہٰذا صورت مسئولہ میں نکاح درست نہ ہوا۔