معاشرت >> نکاح
سوال نمبر: 603948
تین مہینے سے بیوی میكے میں، كیا میں اس كی اجازت كے بغیر دوسری شادی كرسكتا ہوں؟
میری اہلیہ ثناسلمان صدیقی کسی بات سے میکے میں بیٹھی ہے، دو تین مہینے ہوگئے، اس بارے میں شرعی حکم بتائیں۔ نیز بتائیں کہ کیا میں بیوی کی اجازت کے بغیر دوسری شادی کرسکتاہوں؟
جواب نمبر: 60394826-Mar-2021 : تاریخ اشاعت
بسم الله الرحمن الرحيم
Fatwa : 799-549/B=08/1442
آپ اپنے خاندان کے دوچار افراد کو اور اہلیہ کے خاندان کے دو چار افراد کو بلائیں، یہ سب افراد میاں بیوی کی باتیں سن کر آپ دونوں میں مصالحت کرادیں گے اور ایک دوسرے کی طرف سے جو کینہ یا رنجش ہے اس کو وہ دُور کردیں گے۔ پھر ان کے فیصلہ پر عمل در آمد کریں۔ آپ پنچایت کے فیصلہ کے بغیر کوئی قدم نہ اُٹھائیں۔
واللہ تعالیٰ اعلم
دارالافتاء،
دارالعلوم دیوبند
میرے شوہر یو این مشن میں کام کرتے ہی، ہم
لوگ ایک ساتھ نہیں رہ رہے ہیں، اب جب میں اپنے گھر سے باہر جاتی ہوں اور مردوں کویا
جوڑوں کو دیکھتی ہوں تو میں اپنے شوہر کی کمی بہت زیادہ محسوس ہوتی ہے۔ میری شاد ی
کو تقریباً دس سال ہوچکے ہیں ، میں اپنے شوہر سے بہت زیادہ محبت کرتی ہوں۔ دوسری
بات یہ کہ کبھی واقعی ان کے بغیر رہنا میرے لیے بہت زیادہ مشکل ہوجاتا ہے کیوں کہ
میں جسمانی طور پران کی کمی محسوس کرتی ہوں نیز جذباتی طور پر بھی اور عام طور پر
بھی۔ وہ بہت اچھے شوہر ثابت ہوئے ہیں اور دوست بھی۔ میں صبر کرنے کی کوشش کرتی ہوں
لیکن کبھی پریشانی میں پڑجاتی ہوں۔ وہ بھی مجھ سے بہت زیادہ محبت کرتے ہیں لیکن ان
کو اپنے اوپر کنٹرول ہے۔ میں اپنے آپ کو مصروف رکھتی ہوں اور نیز میرے بچے بھی ہیں
لیکن پھر بھی مجھ کو ان کی کمی کا احساس ہوتا ہے اور اس کے بعد میرے اندر طرح طرح
کے خیالات آتے ہیں، جس کے بارے میں میرا خیال ہے کہ گناہ گارانہ ہیں۔ برائے کرم میری
رہنمائی فرماویں۔
اگر مسلم لڑکے کے ساتھ غیر مسلم لڑکی بھاگ جانے کے بعد کورٹ میں جج کے سامنے لڑکی(غیر مسلم) مسلمان ہونے کا دعوی کرے اور کہے میں اپنی مرضی سے مسلما ن ہوچکی ہوں کلمہ میں نے پڑھ لیا ہے۔ لہذا اب جو کورٹ میرج کے کاغذات پر وکیلوں نے مسلمان ہونے کی تصدیق کی ہے اور سرکاری کاغذات تیار ہوچکے ہیں اب اسی تصدیق پر شرعی اعتبار سے وکیل اور گواہ بنا کر دونوں کا نکاح پڑھایا جاسکتا ہے یا نہیں؟
3682 مناظرمیں ایک پاکستانی ہوں اور عرب امارات میں کام کرتاہوں، میری منگنی ہوچکی ہے اور وہ میرا پاکستان میں انتظار کرتی ہے، لیکن میں فوراً شادی کرنا چاہتا ہوں عرب امارات کے ماحول کے اعتبار سے تاکہ میں گناہوں سے بچ جاؤں۔ لیکن میں اس سے فوراً شادی نہیں کرسکتاہوں گھریلو معاملات کی وجہ سے۔ تو کیا اگر مجھے کسی لڑکی سے شادی کرنے کا موقع ملے تو کیا میں بغیر اپنے والدین کو اطلاع دئے ہوئے شادی کرسکتاہوں اور اس کے بعد میں اس سے بھی شادی کرنا چاہتاہوں جو کہ میرا پہلے سے انتظار کررہی ہے، لیکن یہ شادی راز رہے گی۔ کیا یہ درست ہے؟
2270 مناظر