متعلقہ سوالات

ٹیلیفون پر نکاح کرنا اسلامی نقطہء نظر سے کیسا ہے؟ کیا شوہر اپنی بیوی کا وکیل اور گواہ بن سکتاہے ؟

ایک لڑکی کا چھ سال کی عمر میں اس کے والد نے نکاح کردیاتھا۔ اب بالغ ہونے کے بعد لڑکی کی مرضی سے اس کے والد نے نکاح توڑ کر دوسری جگہ اس لڑکی کا نکاح اور رخصتی کردی پہلے شوہر کو بتائے بغیر۔ جب پہلے والے شوہر کو اس کی شادی کا پتہ چلا تو اس نے اعتراض کیا کہ میں نے اپنی بیوی کو طلاق نہیں دیاتھا آپ اس کا دوسری جگہ نکاح نہیں کرسکتے۔ بالآخر وہ چپ ہوکر بیٹھ گیا،کیوں کہ دونوں خاندانوں کی آپس میں لڑائیاں ہوگئی تھیں اس وجہ سے یہ نکاح توڑنا پڑا۔ (۱)کیا دوسرا نکاح نافذ ہوگیا ہے، اگر نہیں ،تو کیوں؟ (۲)اگر بالغ ہوکر بھی طلاق ہی کے ذریعہ نکاح ختم کرنا ہوتا ہے تو پھر یہ کیوں کہا جاتا ہے کہ بچپن میں کیا ہوا نکاح جب بچے بالغ ہوجائیں تو اپنی مرضی سے ختم کرسکتے ہیں؟

حضرت میرے بھائی کا نکاح اس طرح ہورہا ہے کہ مرد اور عورتوں کا الگ انتظام نہیں، کیوں کہ میں عالمہ ہوں اس لیے میرے لیے ٹینٹ کے ذریعہ الگ انتظام کردیں گے۔ میرا دل ایسی مجلس میں جانے کے لیے بالکل تیار نہیں جہاں اللہ رب العزت کے احکام کی کھلم کھلا خلاف ورزی کی جائے․․․․آپ میری رہنمائی فرمائیں کہ اللہ کو کس طرح راضی کیا جاسکتا ہے، ایسی مجلس میں شرکت کرکے یا نہ کرکے؟ وضاحت کے ساتھ جواب دیجئے گا تاکہ میں اپنے بھائی کو بتا سکوں۔

کیا اپنے منگیتر سے اپنے خیالات و جذبات کے سلسلے میں بات کرنا اور اپنے مستقبل کی منصوبہ بندی کرنا منع ہے؟ نیز، کیا اس سے ہر بات میں شریک ہونا منع ہے؟

سب سے پہلے تو میں شکر گزار ہوں کہ آپ نے میرے سوال کو خاص اہمیت دی۔ میرے کہنے کا مطلب تھا کہ کیا میں اپنے دل میں یہ سوچ رکھ سکتا ہوں کہ یا اللہ اگر تمہارے بس میں سب کچھ ہے تو پھر اس لڑکی کومیری تقدیر میں لکھ دے۔ اگر بالفرض وہ میری تقدیر میں اس لیے نہیں لکھی گئی کہ اللہ بہتر جانتا ہے کہ اس کا اورمیرا ملنا (یعنی نکاح ہونا) اچھا ہے یا برا۔ اگر اچھا ہے تو اتنا امتحان کیوں؟ کیوں اس کی منگنی کسی اور سے ہوگئی؟ (اللہ مجھے معاف کرے، لیکن میرے یہ سوالات شکوہ کے ارادہ سے نہیں ہیں) اور اگر برا ہے تو اللہ اپنی حکمت سے اس کو اچھا کر دے، کیوں کہ وہ ہر چیز پر قادر ہے۔ میرے دماغ میں ایسے سوالات آتے ہیں تو میں اپنے دل ہی دل میں اللہ سے پوچھ لیتا ہوں جس سے ہلکا سا سکون تو مل جاتا ہے لیکن کوئی جواب نہیں ملتا۔ میں یہ سوچتا رہتا ہوں کہ میں اس کو کیسے حاصل کروں گا؟ ہماری سوسائٹی میں کسی لڑکی کی منگنی ٹوٹ جانا اس کے کیرکٹر کو وار کرتا ہے۔میں یہ بھی نہیں چاہتا اوراس کے بغیر بھی نہیں رہ سکتا۔ تو کیا کروں؟