معاشرت >> نکاح
سوال نمبر: 600924
اگر شوہر نے مہر متعین نہیں کیا تھا اور بیوی کی طرف سے مطالبہ بھی نہیں تھا ویسے ہی نکاح ہو گیا۔ پھر شوہر نے خوشی سے کہا کہ میں تمہیں مہر فاطمی کی مقدار دوں گا۔ لیکن اب شوہر مہر کم کرنا چاہتا ہے تو کم کر سکتا ہے یا نہیں؟ کیونکہ بیوی یا اس کے گھر والوں نے اس بارے میں کوئی بات ہی نہیں کی تھی۔ لہذا مہر سے رجوع کرنا جائز ہے یا نہیں؟ براہ کرم مدلل جواب دیجئے ۔شکریہ
جواب نمبر: 600924
بسم الله الرحمن الرحيم
Fatwa : 289-224/B=03/1442
جب ویسے ہی بغیر مہر کے نکاح ہوگیا تو نکاح تو صحیح ہوا۔ اب بعد میں شوہر کہتا ہے کہ میں تمہیں مہر فاطمی دوں گا تو اب شوہر کے کہنے کے بعد مہر فاطمی شوہر کے ذمہ واجب متعین ہوگیا۔ مہر چونکہ عورت کا حق ہوتا ہے اگروہ اپنی رضامندی سے کم کرنے پر راضی ہے تو کم بھی ہو سکتا ہے۔ ہدایہ اور عالمگیری میں صراحت موجود ہے۔
واللہ تعالیٰ اعلم
دارالافتاء،
دارالعلوم دیوبند