معاشرت >> نکاح
سوال نمبر: 600446
حضرات میرے کچھ سوالات ہیں میرا پہلا سوال یہ ہے کی میرا ایک دوست ہے کچھ سال پہلے اس کا اکسِڈینٹ ہوا تھا جس کی وجہ سے وہ اب چل پھر نہیں سکتا یہاں تک قضاء حاجت وضو غسل کچھ بھی خود نہیں کر سکتا ایسے میں اسکے چند سوالات مفتیان کرام دارلعلوم دیوبند سے ہے کی اس کو مشت زنی کی عادت ہے وہ اس سے کیسے نجات پائے نا ہی وہ روزہ رکھ کر اپنے شہوت کو کم کر سکتا ہے نا وہ مشت زنی سے رک سکتا ہے اور نمازی بھی ہے پڑھا لکھا نوجوان ہے اس کے لیے آپ علمائے کرام دارلعلوم دیوبند کیا حکم فرماتے ہیں؟ کیا وہ کسی سے نکاح کر سکتا ہے یا ایسے ہی زندگی گزارے اس کے والد صاحب کی مالی حالت ماشائاللہ بہت درست ہے ۔
براہ کرام مہربانی جواب جلد ہی عنایت فرمائیں۔
جواب نمبر: 600446
بسم الله الرحمن الرحيم
Fatwa : 162-120/H=02/1442
مشت زنی کرنا تو حرام اور بڑا گنا ہے اس کی وجہ سے مہلک بیماریوں میں مبتلا ہو جانے کا خطرہ ہے۔ اس دوست سے کہہ دیں کہ وہ اِس خبیث عادت سے سچی پکی توبہ کرے اور وہ اگر اداءِ حقوق پر قادر ہے تو مناسب رشتہ تلاش کرکے جلد از جلد نکاح کرلے۔
واللہ تعالیٰ اعلم
دارالافتاء،
دارالعلوم دیوبند