معاشرت >> نکاح
سوال نمبر: 53335
جواب نمبر: 53335
بسم الله الرحمن الرحيم
Fatwa ID: 1081-908/H=8/1435-U بیوی کا ضد کرنا اور اس کے والدین کا اس سلسلہ میں ساتھ دینا جائزنہیں، اگر میکہ اور سسرال ایک ہی بستی میں ہوں یا بہت قریب قریب ہوں اور شوہر یا بیوی کے والد بھائی جمعہ جمعہ تھوڑی دیر کے لیے لے جاکر والدہ بہن بھائیوں سے ملاقات کراکے سسرال (شوہر کے مکان پر) لے آیا کریں، اگر دونوں مقامات دور دور ہوں تو سال چھ ماہ میں ایک دفعہ جیسا بھی عرف ہو شرعی حدود کی رعایت رکھ کر ماں باپ بھائی بہنوں سے ملاقات کرکے شوہر کے مکان پر آجایا کرے تو جائز ہے اور جو نظام بنائیں شوہر بیوی، اور دونوں کے ماں باپ باہمی مشورہ سے بنائیں، اگر اختلافِ رائے ہوجائے تو بیوی کے حق میں بہتر یہ ہے کہ شوہر کی رائے کو ترجیح دے۔
واللہ تعالیٰ اعلم
دارالافتاء،
دارالعلوم دیوبند