معاشرت >> نکاح
سوال نمبر: 50919
جواب نمبر: 50919
بسم الله الرحمن الرحيم
Fatwa ID: 361-282/D=4/1435-U نمازی لڑکی کا نکاح بے نمازی لڑکے کے ساتھ اگر لڑکی اور اس کے گھر والے راضی ہیں تو درست ہوجائے گا، مگر دین دار لڑکی کے لیے دین دار لڑکا قابل ترجیح ہونا چاہیے، آپ کی پریشانی بجا ہے لیکن از خود کسی دین دار لڑکے کے پاس پیغام نکاح بھیجنا لڑکی کے لیے پسندیدہ نہیں ہے، کبھی بے حیائی پر محمول ہوسکتا ہے اس لیے بہتر یہ ہے کہ آپ گھر والوں کے توسط سے لڑکے کے پاس پیغام بھجوائیں۔ عشا کی نماز کے بعد یا لطیفُ یا ودودُ گیارہ تسبیح (گیارہ سو دانے) اول و آخر گیارہ گیارہ مرتبہ درود شریف کے ساتھ پڑھ کر دعا کریں۔ اور اگر ہوسکے تو سورہٴ مجادلہ جو اٹھائیسویں پارے کے شروع میں ہے پڑھ لیا کریں، ان شاء اللہ اچھا رشتہ آئے گا۔
واللہ تعالیٰ اعلم
دارالافتاء،
دارالعلوم دیوبند