عنوان: منگنی کے بعد لڑکے اور لڑکی کے تعلقات کے بارے میں

سوال: منگنی کے بعد لڑکے اور لڑکی کے تعلقات کے بارے میں جاننا چاہتاہوں ، ہماری شریعت میں کوئی کسی قسم کی رعایت ہے اگر لڑکا اور لڑکی ایک دوسرے کے رابطے میں رہے فون پر یا سماجی میڈیا پر جیسے کہ فیس بک؟ براہ کرم، رہنمائی فرمائیں۔

جواب نمبر: 4634001-Sep-2020 : تاریخ اشاعت

بسم الله الرحمن الرحيم

فتوی: 1012-1012/M=8/1434 منگنی کی حیثیت شرعاً صرف وعدہٴ نکاح کی ہے، باقاعدہ وہ نکاح نہیں ہے، اس لیے منگنی کے بعد بھی (لڑکا اور لڑکی) دونوں ایک دوسرے کے حق میں اجنبی ہی برقرار رہتے ہیں، اور جس طر ح منگنی سے پہلے دونوں کے لیے ایک دوسرے سے بلاضرورت بات چیت کرنا اور ملنا جلنا ناجائز ہے، اسی طرح منگنی کے بعد بھی ناجائز ہے، رابطہ فون کے ذریعہ ہویا فیس بک وغیرہ کے ذریعہ، بہرصورت بلاضرورت جائز نہیں ہے، ہاں عقد نکاح مکمل ہوجانے کے بعد دونوں ایک دوسرے کے لیے حلال ہوجاتے ہیں، اور باہم ہرطرح کی گفتگو جائز ہوجاتی ہے۔