معاشرت >> نکاح
سوال نمبر: 38148
جواب نمبر: 38148
بسم الله الرحمن الرحيم
فتوی: 645-571/B=5/1433 جب بیوی اپنی نادانی کا اعتراف کرکے اس پر نادم وشرمندہ ہے اور آئندہ ایسا نہ ہونے کا عہد کرتی ہے اور آپ اسے معاف کرچکے ہیں تو شوہر اسے اپنی زوجیت میں رکھ سکتا ہے اور پہلے جیسے تعلقات رکھ سکتے ہیں۔ آپ کو اس پر اجر وثواب ملے گا۔ البتہ بیوی پر یہ پابندی لگادیں کہ وہ اپنی بہن بہنوئی کے یہاں نہ جائے۔ آپ بھی اپنے ہم زلف سے زیادہ میل جول نہ رکھیں۔ بس صرف علیک سلیک کا تعلق ہو۔ اپنے گھر بھی انھیں آنے کا موقع نہ دیں، اپنی بیوی کی عفت وعصمت کا ہمیشہ آئندہ خیال رکھیں اور بیوی کو بھی اس کی تاکید کرتے رہیں۔
واللہ تعالیٰ اعلم
دارالافتاء،
دارالعلوم دیوبند