معاشرت >> نکاح
سوال نمبر: 36089
جواب نمبر: 36089
بسم الله الرحمن الرحيم
فتوی(م): 115=115-1/1433 مہر بیوی کا مالی حق ہے جو شوہر پر نکاح کے بعد لازم ہوتا ہے، یہ اس لیے رکھا گیا ہے تاکہ عورت کا بے حیثیت ہونا لازم نہ آئے اور اس کی دلجوئی ہوسکے، اللہ تعالیٰ نے قرآن میں فرمایا: اَنْ تَبْتَغُوْا بِاَمْوَالِکُمْ یعنی اپنے مالوں کے ذریعہ حلال عورتیں تلاش کرو، اور ان کو اپنے نکاح میں لاوٴ، ابوبکر جصاص نے احکام القرآن میں لکھا ہے کہ اس سے دو باتیں معلوم ہوئیں: ایک یہ کہ نکاح مہر سے خالی نہیں ہوسکتا، دوسرے یہ کہ مہر وہ چیز ہونی چاہیے جس کو مال کہا جاسکے۔
واللہ تعالیٰ اعلم
دارالافتاء،
دارالعلوم دیوبند