معاشرت
>>
نکاح
سوال نمبر: 36044
عنوان: پوچھنا یہ ہے دو بہنیں ہیں۔ ایک بہن کی اولاد میں صرف بیٹیاں ہیں اسکا کوئی بیٹا نہیں ہے اور اگر وہ اپنی دوسری بہن سے بیٹا گود لیتی ہے تو وہ دوسری بہن کا بیٹا اسکی بیٹیوں کے لئے محرم ہو گا یا نامحرم ہو گا؟ تفصیلی جواب عنایات فرمیں۔ شکریہ۔
سوال: پوچھنا یہ ہے دو بہنیں ہیں۔ ایک بہن کی اولاد میں صرف بیٹیاں ہیں اسکا کوئی بیٹا نہیں ہے اور اگر وہ اپنی دوسری بہن سے بیٹا گود لیتی ہے تو وہ دوسری بہن کا بیٹا اسکی بیٹیوں کے لئے محرم ہو گا یا نامحرم ہو گا؟ تفصیلی جواب عنایات فرمیں۔ شکریہ۔
جواب نمبر: 3604401-Sep-2020 : تاریخ اشاعت
بسم الله الرحمن الرحيم
فتوی(د): 161=89-1/1433
گود لینے سے بچہ گود لینے والے کے حق میں حقیقی بیٹے کے درجہ میں نہیں ہوتا نہ اس سے رشتہ محرمیت (اگر پہلے سے نہ ہو) ثابت ہوتا ہے، نہ ہی حق وراثت۔ لہٰذا گود لینے والی تو اس بچہ کی خالہ اورمحرم ہے، مگر اس کی بیٹیاں نامحرم ہیں جن سے اس بچہ کا نکاح ہوسکتا ہے، جائز ہے۔
واللہ تعالیٰ اعلم
دارالافتاء،
دارالعلوم دیوبند