عنوان: کیا لڑکا یا لڑکی اپنی مرضی سے شادی کرسکتے ہیں جب کہ دونوں بالغ ہیں ، لڑکی کے گھر والے لڑکی کی شادی اس لیے نہیں کرارہے ہیں کہ وہ اپنی بیٹی کی شادی دنیا کی ریت و رواج کے مطابق کرنے کے لیے پیسے جمع نہیں کرپا رہے ہیں۔ کیا مسلمان لڑکا کسی غیر ایمان والی لڑکی سے شادی کرسکتا ہے؟ براہ کرم، اس بارے میں رہنمائی فرمائیں۔ 

سوال: کیا لڑکا یا لڑکی اپنی مرضی سے شادی کرسکتے ہیں جب کہ دونوں بالغ ہیں ، لڑکی کے گھر والے لڑکی کی شادی اس لیے نہیں کرارہے ہیں کہ وہ اپنی بیٹی کی شادی دنیا کی ریت و رواج کے مطابق کرنے کے لیے پیسے جمع نہیں کرپا رہے ہیں۔ کیا مسلمان لڑکا کسی غیر ایمان والی لڑکی سے شادی کرسکتا ہے؟ براہ کرم، اس بارے میں رہنمائی فرمائیں۔ 

جواب نمبر: 3049501-Sep-2020 : تاریخ اشاعت

بسم الله الرحمن الرحيم

فتوی(م):386=386-3/1432

جو شادی والدین کی اجازت ورضامندی کے بغیر کی جاتی ہے، عموماً اس میں خیر وبرکت اور پائیداری نہیں ہوتی، لڑکا لڑکی اگرچہ بالغ ہونے کے بعد خود مختار ہوجاتے ہیں، باپ، دادا کی ولایت اجبار ختم ہوجاتی ہے اور وہ اپنی مرضی کی شادی کرسکتے ہیں، لیکن اولاد کو اخلاقی طور پر چاہیے کہ والدین کی مرضی کو اپنی مرضی بنائے، ان کو ناراض کرکے کوئی قدم نہ اٹھائے، باپ کو بھی چاہیے کہ جب اولاد بالغ ہوجائے اور مناسب رشتہ مل جائے تو نکاح میں تاخیر نہ کرے، ورنہ گناہ میں مبتلا ہونے کا وبال باپ کو بھی ہوگا، دنیاوی رسم ورواج کی تقلید میں تاخیر کرنا درست نہیں ہے، مسلمان لڑکے کا نکاح غیرمسلم لڑکی سے نہیں ہوسکتا۔