عنوان: کیا نکاح میں خطبہ ضروری ہے ؟ نہیں تو پھر کیا کیا ضروری ہے؟کیا کوئی خود اپنا نکاح عورت کی موجودگی میں پڑھاسکتاہے؟ اور کیا گواہی ٹیلفون پر لی جاسکتی ہے؟یا نکاح سے پہلے یا بعد میں لی جاسکتی ہے؟براہ کرم، رہنمائی فرمائیں۔ 

سوال: کیا نکاح میں خطبہ ضروری ہے ؟ نہیں تو پھر کیا کیا ضروری ہے؟کیا کوئی خود اپنا نکاح عورت کی موجودگی میں پڑھاسکتاہے؟ اور کیا گواہی ٹیلفون پر لی جاسکتی ہے؟یا نکاح سے پہلے یا بعد میں لی جاسکتی ہے؟براہ کرم، رہنمائی فرمائیں۔ 

جواب نمبر: 2962601-Sep-2020 : تاریخ اشاعت

بسم الله الرحمن الرحيم

فتوی(د): 356=187-3/1432

نکاح کے اندر خطبہ سنت ہے، نکاح کے اندر دومسلمان مرد یا ایک مسلمان مرد اور دو مسلمان عورتوں کی موجودگی میں ایجاب وقبول کا ہونا ضروری ہے۔ کوئی بھی آدمی عورت کی موجودگی میں اپنا نکاح کرسکتا ہے، البتہ گواہوں کی موجودگی ضروری ہوگی، ٹیلیفون پر گواہی معتبر نہیں ہے؛ کیوں کہ گواہی کے لیے مسجد عقد میں گواہ کا موجود ہونا ضروری ہے، اور گواہی نکاح سے پہلے یا بعد میں نہیں ہوسکتی، بلکہ گواہوں کے لیے مجلس عقد میں موجود ہونا ضروری ہے۔