عنوان: کیا شادی کے بعد پہلے یا دوسرے دن رجوع(مباشرت) کرنا ضروری ہے ورنہ ولیمہ نہیں ہوتا، کیا یہ سنت ہے؟یا مستحب کیا ہے؟اگر میں کچھ دنوں بعد کروں جب کہ دلہن کی شرم کم ہوجائے تو کوئی حرج تو نہیں؟

سوال: کیا شادی کے بعد پہلے یا دوسرے دن رجوع(مباشرت) کرنا ضروری ہے ورنہ ولیمہ نہیں ہوتا، کیا یہ سنت ہے؟یا مستحب کیا ہے؟اگر میں کچھ دنوں بعد کروں جب کہ دلہن کی شرم کم ہوجائے تو کوئی حرج تو نہیں؟

جواب نمبر: 2244501-Sep-2020 : تاریخ اشاعت

بسم الله الرحمن الرحيم

فتوی(د):812=641-6/1431

مسنون ولیمہ یہ ہے کہ جس رات میاں بیوی کی پہلی خلوت ہو اس سے اگلے دن حسب توفیق لوگوں کو بہ شمول فقراء کھانا کھلایا جائے: ولیمة العرس سنة وفیہا مثوبة عظیمة، وہي إذا بنی الرجل بامرأتہ ینبغي أن یدعو الجیران والأقرباء والأصدقاء ویذبح لہم ویضع لہم طعامًا (عالمگیري: ۵/۳۴۳، کتاب الکراہیة، الباب الثانی في الہدایا والضیافات، ط: زکریا) صحبت کے دو روز بعد تک ولیمہ کرنے سے ولیمہ کی سنت ادا ہوجائے گی، اس کے بعد ولیمہ کرنا مکروہ ہے: ولا بأس بأن یدعو یومئذٍ من الغد وبعد الغد ثم ینقطع العرس والولیمة (حوالہ سابق) عقد کے بعد بھی صحبت سے پہلے اگر دو دن کے اندر ولیمہ کریں تو بھی بعض فقہاء کے نزدیک ولیمہ کی سنت ادا ہوجائے گی۔