متعلقہ سوالات

محترم مفتی صاحب میں بھوپال شہر کا رہنے والا ہوں ہمارے یہاں دارالقضا کی تشکیل آزادی سے پہلے کی گئی تھی جو آج بھی الحمد للہ جاری ہے یعنی دارالقضاء نکاح کے لیے نکاح گواہ فراہم کرواکر نکاح کے فرائض انجام دے رہی ہے۔ درالقضاء میں نکاح کے لیے زوج اور زوجہ کے ساتھ ہی ان کے ولی کو بھی بلایا جاتاہے۔ جب کوئی بالغ مسلم لڑکی اپنے والدین کی مرضی کے بغیر شادی کرنا چاہتی ہے تو اسے اپنی پسند کے لڑکے سے نکاح کے لیے کافی پریشان ہونا پڑتا ہے۔ کیونکہ دارالقضاء ان کے نکاح کے لیے قاضی ،نکاح خواں فراہم نہیں کراتی ہے۔ ایسی حالت میں والدین کی مرضی کے بغیر شادی کرنے والوں کو مجبوراً بنا نکاح کے صرف کورٹ میں شادی کرکے ایک ساتھ رہنا پڑتاہے۔ اب بھوپال میں وکالت کرنے والے کچھ وکیلوں نے انجمن نکاح المسلمین نام سے ایک تنظیم بناکر نکاح نامہ مرتب کرلیا ہے اور خطبہ نکاح کے لیے ایک قاضی صاحب نکاح خواں کو بھی مقرر کرلیا ہے۔ جو شریعت کے مطابق نکاح پڑھاتے ہیں اور نکاح کی سند بھی دیتے ہیں۔ اب سوال یہ ہے کہ کیا انجمن نکاح المسلمین کے قاضی صاحب یا نکاح خواں کے ذریعہ پڑھایا گیا نکاح جائز ہے یا نہیں؟ نکاح کے لیے شریعت کے مطابق کیا احتیاط برتنا چاہیے؟ برائے مہربانی جواب دینے کی زحمت فرماویں

میں ایک لڑکے کو چار سال سے جانتی ہوں۔ ہم دونوں شادی کرنا چاہتے ہیں مگر اس کے والدین نہیں مان رہے ہیں۔ کیا کرنا چاہیے؟ کچھ وظیفہ بتادیں جس سے میرا مسئلہ حل ہو جائے۔

میں مندرجہ ذیل سوالوں کا جواب جاننا چاہتاہوں۔ (۱)ہمارے یہاں کے رواج کے مطابق جب شادی ہوتی ہے تو لڑکا او رلڑکی کے ماں باپ او ررشتہ دار لڑکا او رلڑکی کو دیکھ کر شادی کا رشتہ پکا کردیتے ہیں۔ نہ ہی لڑکی کو لڑکا دکھایا جاتا ہے او رنہ ہی لڑکا کو لڑکی اور نہ ہی بات کرائی جاتی ہے لیکن جب نکاح ہوتا ہے تو صرف لڑکی اور لڑکا کی مرضی پوچھی جاتی ہے۔ اب آپ بتائیں کہ ایسے حالات میں کہ دونوں نے نہ تو ایک دوسرے کو دیکھا او رنہ ہی بات کی کس بنیاد پر نکاح میں اپنی منظوری دیں جب کہ ان کو نکاح کے بعد تا عمر ساتھ رہنا ہے؟ یہ بھی بتائیں کیا اسلام میں شادی سے پہلے لڑکی اور لڑکا ایک دوسرے کو دیکھ کر بات کرسکتے ہیں کہ نہیں ، اگر ان کی شادی لگ رہی ہے ؟ (۲)نکاح میں جو لڑکی او رلڑکے کی مرضی پوچھی جاتی ہے تو کیا یہ صرف زبانی مرضی ہوتی ہے یا پھر دل سے بھی اقرار ہونا چاہیے؟(۳)کچھ ماں باپ اپنے لڑکا او رلڑکی کی ان کی مرضی کے خلاف ان پر دباؤ ڈال کر شادی کردیتے ہیں او رلڑکی لڑکا گھر کی عزت کی خاطر دل سے نہ چاہتے ہوئے بھی نکاح میں حامی بھر دیتے ہیں،تو کیا اس طرح زور زبردستی سے کرایا گیا نکاح درست ہوگا یا نہیں؟ اگر نہیں ہوگا تو اس کے ذمہ دار کون ہوں گے...

میرا نام محمد عارف ہے۔ مجھے ایک مسئلہ کے بارے میں معلومات درکارہیں۔ مسئلہ یہ ہے کہ ایک لڑکا (الف) نے اپنی پھوپھی کا دودھ پیا ہے، پھوپھی کی بڑی بیٹی کے ساتھ۔ اب ان کے والدین چاہتے ہیں کہ (الف) کی شادی پھوپھی کی چھوٹی بیٹی کے ساتھ ہو اور پھوپھی کے لڑکے کی شادی (الف) کی بہن کی بیٹی سے ہوجائے۔ کیا اس صورت میں یہ شادیاں ہوسکتی ہیں؟ جب کہ پشاور میں ایک مفتی صاحب نے ان کو فتو ی دیا ہے کہ یہ شادی ہوسکتی ہے؟ او رانھوں نے کتاب (درمختار) سے ان کو فیصلہ دیا ہے۔ اس فیصلہ کی روشنی میں ایک نکاح ہوا ہے یعنی (الف) کی بہن کی بیٹی کی شادی ہو گئی ہے۔ اس نکاح کے بارے میں آپ کیا کہتے ہیں، اور اگر (الف) نکاح کرتا ہے تو اس کے بارے میں کیا حکم ہوگا؟ مہربانی فرماکر جلدی اس کا جواب دے دیں، تاکہ اگر (الف) کا نکاح نہیں ہوسکتا تو میں آپ لوگوں کی مدد سے ان کو بتادوں؟