معاشرت >> نکاح
سوال نمبر: 17967
اگر
ایک آدمی اس طرح کہے اس لڑکی (زیڈ،ٹی، این) کے علاوہ جس لڑکی کے ساتھ میری شادی ہو
تو وہ تین طلاقوں کے ساتھ طلاق ہو۔ اب اس لڑکی کے علاوہ دوسری لڑکی (اے بی سی) کے
نکاح جائز ہے یا نہیں؟
اگر
ایک آدمی اس طرح کہے اس لڑکی (زیڈ،ٹی، این) کے علاوہ جس لڑکی کے ساتھ میری شادی ہو
تو وہ تین طلاقوں کے ساتھ طلاق ہو۔ اب اس لڑکی کے علاوہ دوسری لڑکی (اے بی سی) کے
نکاح جائز ہے یا نہیں؟
جواب نمبر: 1796701-Sep-2020 : تاریخ اشاعت
بسم الله الرحمن الرحيم
فتوی(ھ):2313=1853-12/1430
اگر اس آدمی کے بعنیہ یہی الفاظ تھے کہ جو سوال میں لکھے ہیں تو حکم یہ ہے کہ نکاح تو ہوجائے گا، مگر نکاح ہوتے ہی اس (اے ، بی، سی) پر تین طلاق واقع ہوجائیں گی اور اے بی سی اس پر حرام ہوجائے گی۔
واللہ تعالیٰ اعلم
دارالافتاء،
دارالعلوم دیوبند
ایک مرد اور ایک عورت شادی کرنا چاہتے تھے۔ لڑکے کے والدین راضی نہیں تھے۔ ان کو دو گواہ مل گئے، لیکنانھوں نے گواہوں کو حقیقت نہیں بتائی۔ بلکہ انھوں نے گواہوں سے کہا کہ وہ میاں اور بیوی ہیں اور چند وجوہات کی بناء پر ان کا نکاح ٹوٹ گیا ہے اور وہ اپنے نکاح کی تجدید کرانا چاہتے ہیں۔ انھوں نے دونوں گواہوں کے سامنے ایجاب و قبول کیا۔ کیا یہ نکاح ہوگیا؟
2305 مناظرمیری لڑکی کی شادی دو سال قبل ہوئی تھی۔ لڑکا اور اس کے گھر والے ہم سے عمر اور عقائد کے بارے میں جھوٹ لولے ، عمر کم بتاکر شادی کیا (اس وقت لڑکے کی عمر 34سال تھی لیکن وہ 27سال بتائے اور ہماری لڑکی کی عمر اس وقت 22سال تھی) اورساتھ ہی ان کے اورہمارے مذہبی عقائد بھی مختلف ہیں (وہ لوگ تبلیغی وہابی عقائد پر چلتے ہیں اوربہت ہی سخت ہیں)۔ اس مسئلہ میں بھی وہ جھوٹ بولے کہ وہ عام مسلمان ہیں اور ان کے پاس کوئی پابندی نہیں ہے۔ اگر ہم کو یہ دونوں باتیں صحیح بتاتے تو ہم ہرگز ان کے یہاں اپنی لڑکی کا رشتہ نہیں کرتے۔ ایک سال کے عرصہ میں تعلقات کافی خراب ہوگئے عمر کا فرق، عقائد کا فرق، مزاج اورطبیعت کے نہ ملنے سے لڑکی اس آدمی سے بیزار آگئی کیوں کہ وہ لڑکی سے اچھا سلوک نہیں کرتا اور ذہنی اذیت میں مبتلا رکھتاہے ۔ ہم نہ تو لڑکے کے گھر والوں سے اورنہ ہی لڑکے سے خوش ہیں اور اس رشتہ کو خلع کے ذریعہ ختم کرنے کی درخواست کیا لیکن وہ لوگ شرارتاً لڑکی کو خلع نہیں دے رہے ہیں اور کہہ رہے ہیں کہ یا تو ان سے صلح کرکے لڑکی کو واپس بھیج دیں یاپھر ایسے ہی لڑکی کو رہنے دیں گے یعنی خلع نہیں دیں گے۔ اور ہم کسی صورت میں اس رشتہ کو قائم کرنا نہیں چاہ رہے ہیں اس لیے کہ وہ لوگ بہت ہی غصہ والے اور بغض و کینہ پرور ہیں اور ہم کو یقین ہے کہ وہ لڑکی کو نقصان پہنچائیں گے........
2173 مناظرکیا
کوئی انڈین مسلم لڑکا /مرد (حنفی ، دیوبندی) ایک عیسائی لڑکی/عورت سے (جو کہ
یوکرین کی رہنے والی ہے) شادی کرسکتاہے؟(۲)کیا اسلام میں کورٹ میرج کافی ہے؟
بغیرگواہوں کے نکاح منعقد نہیں ہوتا؟
2897 مناظرحضرت میں تفصیلی طور پر یہ جاننا چاہتا ہوں کہ زوجین کے آپس میں کیا کیا حقوق ہیں؟ شوہر کے الگ اور بیوی کے الگ۔ دونوں کے سارے حقوق بالترتیب (نمبروار) جیسے بیوی کا ایک حق یہ ہے کہ وہ شوہر کے ماں باپ سے الگ رہنے کے لیے گھر مانگ سکتی ہے۔ اس طرح شریعت نے ہمیں جتنے بھی حقوق دئے ہیں وہ سب ہمیں برائے کرم بتادیں۔ اورجلد رہنمائی فرمائیں، تاکہ ہم حقوق ادابھی کرسکیں اور حقوق کا مطالبہ بھی کرسکیں؟ اور حقوق پاکر او ردے کر لڑائی جھگڑے سے محفوظ بھی رہ سکیں۔ نوازش ہوگی۔
1424 مناظرمیرا شوہر بریلوی ہے اور میں بریلوی نہیں
ہوں۔ جب میں نے اس سے شادی کی او رمیں نے ان کے ساتھ چال سال گزارا تو مجھے معلوم
ہوا کہ وہ غلط ہے اگر میں اس کی پیروی کروں گی تو میں اسلام سے بغاوت کروں گی۔ وہ
مزاروں پر جاتا ہے اور ختم شریف دیتا ہے اور وہ بریلوی عقائد کی پیروی کرتا ہے اور
مجھ سے بھی ایسا کرنے کو کہتاہے۔ کیا میں اور میرا لڑکا اس کے ساتھ رہ سکتے ہیں؟ میں
اس کے لیے کیا کروں۔ برائے کرم کرم مجھ کو اس کے بارے میں بتائیں۔
مسئلہ یہ ہے کہ خالدہ جن کی چھ بیٹیاں او
رتین بیٹے ہیں زید ان کی دوسرے نمبر والی بیٹی کا لڑکا ہے ۔ اسماء ان کی پہلے نمبر
والی بیٹی کی بیٹی ہے۔ زید کی والدہ نے اسماء کومدت رضاعت میں دودھ پلایا ہے ۔او
راسما کے اس سے بڑے دو اور بھائی بہن ہیں۔ (۱)کیا زید اور اسماء کی آپس میں شادی ہوسکتی
ہے؟ (۲)زید کا نکاح اسماء کی دوسری بہنوں کے ساتھ
ہوسکتا ہے یا زید کی کسی ایک بہن کا نکاح اسماء کے کسی ایک بھائی سے ہوسکتا ہے؟ (۳)خالدہ کی چوتھے نمبر والی بیٹی کے ایک بیٹی
ہے راشدہ۔ اب زید کے نانا ان دونوں کا آپس میں نکاح کرنا چاہتے ہیں لیکن مشکل یہ
ہے کہ زید کی والدہ کو یہ شک ہے کہ اس نے راشدہ کو مدت رضاعت میں دودھ پلایا ہے لیکن
اس پر کوئی گواہ نہیں ہے۔ تو کیا زید اور راشدہ کی آپس میں شادی ہوسکتی ہے؟(۴)زید کی نانی نے بھی زید کو دودھ پلایا ہے(
مدت رضاعت میں )۔اب زید کا چھوٹا بھائی ہے جس کی شادی گھر والے اس کی خالہ (جو
خالدہ کی پانچویں نمبر والی بیٹی ہے) کی لڑکی سے کرنا چاہتے ہیں۔ کیا یہ نکاح جائز
ہے؟ (۵)اسی طرح زید کے بھائی بہنوں میں سے کسی کا
نکاح خالدہ کے پوتے پوتیوں سے ہوسکتا ہے کہ نہیں؟