متعلقہ سوالات

نکاح کے بعد چھوہارے جیسی چیز کیا مسجد میں سب کے اوپر لٹا سکتے ہیں؟ اس سے مسجد کی بے حرمتی کا اندیشہ ہے۔ جلد جواب دے کر شکریہ کا موقع دیں۔

مجھے بچپن میں نانی نے دودھ پلایا تھا (بقول نانی کے)، اب گھر والے میری شادی خالہ کی لڑکی سے کرنا چاہتے ہیں۔ نانی کا دودھ پینے کی تفصیل درج ذیل ہے: جب نانی نے دودھ پلایا تو وہاں پر کوئی موجود نہیں تھا۔ کیا اکیلے نانی کی گواہی معتبر ہوگی؟ جب یہ بات انھوں نے اپنے شوہر (نانا) کو بتائی اور نانا نے سب کو بتانا چاہا تو نانی نے نانا کو منع کیا اور کہا کہ ?کیا پتہ اس بچے نے گھونٹ دودھ پیا بھی ہے یا نہیں?۔ بقول نانا کے جو زندہ ہیں ، نانی زندہ نہیں۔ اور اگر یہ مان لیا جائے کہ نانی نے دودھ پلایا ہے تو کیا صرف ایک بار کا دودھ پینا رضاعت ثابت کرتا ہے؟ (صحیح مسلم کی حدیث میں کہیں پانچ کہیں دس اور کہیں تین دفعہ دودھ پینے کے حوالے سے حدیث موجود ہے۔) کیا نانی کا بغیر کسی کے پوچھے مجھے دودھ پلاناٹھیک تھا اور یہ رضاعت ثابت کرتا ہے؟

آپ کے جواب نمبر 4885 کا شکریہ، جس میں آپ نے مجھے شادی کرنے کا مشورہ دیا ہے۔ لیکن میں بچپن سے ہی جب کہ میں صرف سات سال کا تھاتب سے ہی نفسیاتی بیماری کاشکار ہوں جیسے (اداسی، پریشانی، دماغ گھومنا، سماجی خوف) ۔ میں اکثر وقت جسمانی طورپر بیمار رہتا ہے اورکوئی بھی طبی علاج مجھے فائدہ نہیں دیتا ہے۔ میری طرح کے آدمی سے کون شادی کرنا چاہے گا؟ مجھے اس بات کا خوف ہے کہ شادی بری طرح سے ناکام ہوجائے گی۔ کیا اسلام اس طرح کے آدمی کوجو کہ شادی کی کوئی بھی ضرورت کو پوری نہیں کرسکتا ہے شادی کی اجازت دیتا ہے ؟اس طرح کی صورت حال میں کیا پھر بھی شادی کی اجازت ہے؟ برائے کرم مجھے مشورہ دیں۔

مولانا صاحب بچے کی پیدائش کے کتنے دن بعد شوہر اپنی بیوی سے مباشرت کرسکتا ہے؟ اگر خون نہ آتا ہو تو کیا چالیس دن سے پہلے بھی مباشرت کرسکتے ہیں؟ میں نے سنا ہے کہ اگر نفاس ختم ہونے کے بعد بھی اپنی بیوی سے مباشرت کرتے ہیں تو عورت کا دودھ حرام ہوجاتا ہے اب یہ دودھ بچہ کو پلاناجائز نہیں؟ برائے کرم جلد از جلد رہنمائی فرماویں۔

زبیدہ اپنے شوہر اور نابالغ بچوں کے ساتھ مہاراشٹرمیں رہتی تھی وہاں اس کے شوہر ملازمت کرتے تھے۔ اپنا مکان او رکچھ کاروبار بھی وہاں ہے۔ زبیدہ اپنے بیمار شوہر کا علاج کرانے اپنے شوہر کے آبائی گھر ویشالی (بہار) آئی۔ شوہر اپنے علاج کے لیے اپنی والدہ کے ساتھ آندھرا پردیش چلے گئے جہاں وہ انتقال کرگئے ،اس وقت زبیدہ اپنے شوہر کے آبائی مکان میں ہی تھی او رابھی بھی ہے۔ مہاراشٹر والے مکان او روہاں کے دیگر معاملات کی دیکھ ریکھ کرنے والا یا اس سے متعلق جانکاری رکھنے والا زبیدہ کے علاوہ کوئی نہیں ہے۔ کچھ سرکاری اور غیر سرکاری کاغذی کاروائی بھی ضروری ہے۔ اگر زبیدہ جلد مہاراشٹر جاکر مختلف ضروری کاموں کو فوری طور پر انجام نہیں دے گی تو بہت ساری مشکلات او رمالی خسارہ کا سامنا اس مجبور بیوہ اور بچوں کو کرنا پڑے گا۔مذکورہ صورت حال میں کیا زبیدہ کو اس بات کی شرعی اجازت مل سکتی ہے کہ وہ اپنے کسی محرم کے ساتھ فوراً مہاراشٹر چلی جائے اور وہاں کا ضروری کام پورا کرکے پھر اپنے شوہر کے آبائی مکان ویشالی بہار واپس چلی آئے اور عدت کی باقی مدت اسی گھر میں پوری کرے؟ ممکن حد تک اس کا جواب جلد دیں تاکہ شریعت کی روشنی میں جلد کاروائی ہوسکے۔