متعلقہ سوالات

(۱) کیا نکاح کے علاوہ کسی اور طریقہ سے بھی شادی ہوسکتی ہے؟ یعنی کسی دوسرے مذہب میں؟ جیسا کہ عیسائیت یا کسی اور مذہب کے لوگ کرتے ہیں تو کیا ان کی شادی ہوجاتی ہے؟ اس کے بعد لڑکا اورلڑکی اگر ازدواجی تعلقات قائم کریں توکیا وہ زنا میں آئے گا؟ (۲) میں اللہ کے فضل سے روزآنہ صبح آفس جا کر قرآن کی تھوڑی سی تلاوت (ایک یا دو رکوع) کرتا ہوں۔ اب ایسا ہوتاہے کہ تلاوت کے بعدروزانہ ان صفحات پر اللہ کا نام چومتاہوں، اور مجھے لگتاہے مجھے اس چیز کی عادت ہو گئی ہے۔ اللہ مجھے معاف کرے مجھے بعض دفعہ محسوس ہوتاہے کہ کہیں یہ بدعت کے زمرے میں نہ آتا ہو؟

زید کی عمر۲۱/ سال ہے ، جب زید ۱۷/ سال کا تھاتو اس کے والد نے اس کی شادی کی بات اس کے مامو کی بیٹی کے ساتھ کی تھی ، لڑکی عمر اس وقت تقریبا ۱۳/ سال کی تھی، اب وہ سولہ سال کی ہے۔ زید اس وقت بھی اپنے مامو کی بیٹی کو پسند نہیں کرتاتھا مگر والدین کی عزت کے لیے خاموش تھا۔ اب پچھلے ۱۸/ مہینیوں سے وہ ایک لڑکی کو پسند کرتاہے اوراس سے شادی کرنا چاہتاہے مگر اس کے والد صاحب کا خیال نہیں ہے کیوں کہ انہوں نے زبان دیدی ہے اور وہ بلاوجہ انکار بھی نہیں کرسکتے ہیں، اس لیے زید اپنی مامو زاد بہن سے شادی کرے جب کہ زید کسی بھی حال میں اس کو پسند نہیں کرتاہے۔ اس کے والد صاحب یہ بھی کہتے ہیں کہ کیوں اس نے پہلے مامو زاد بہن کو دیکھی ہے اور اس سے بات بھی کی ہے اس لیے اس لڑکی کا پہلے حق ہے۔ دونوں لڑکیوں میں کوئی خامی نہیں ہے ، بات صرف پسند کی اور نا پسند کی ہے، زید دوسری لڑکی کو چاہتاہے۔ اس کے والد صاحب کہتے ہیں وہ اپنی مامو زاد بہن سے رابطہ رکھے اور پرکھے کہ وہ کیسی ہے اور اس عرصہ میں وہ دوسری لڑکی سے بات نہ کرے۔ اگر وہ لڑکی بھی ٹھیک نکل آتی ہے اور دوسری لڑکی کو اپنے والدین کے کہنے پر چھوڑدیتاہے تو کیا اس لڑکی کے ساتھ ظلم نہیں ہوگا؟ وہ تو اسے معاشقہ سمجھیگی؟ایسی صور ت میں زید کیا کرے؟ کیا وہ اپنے والد صاحب کی بات مانے (جب کہ زید راضی نہیں ہے اور کوئی پتہ نہیں کہ شادی کے بعد کیا حالات پیش آئے ، دوسرے الفاظ میں یہ صرف سمجھوتا ہے یا رسک)زید دوسری لڑکی کو چھوڑ بھی نہیں سکتاہے کیوں وہ اسے پسند کرتاہے اور اس کو ساری باتوں سے آگاہ بھی کرچکاہے۔ پسند کی شادی کے متعلق اسلام کیا کہتاہے جبکہ لڑکے کی ماں راضی ہوں ، لیکن باپ نہیں۔

اگر کوئی شیعہ لڑکا یہ عقیدہ رکھے کہ قرآن مسخ نہیں کیا گیا ہے اور اس میں ترمیم نہیں کی گئی ہے یہ کہتے ہوئے کہ اللہ نے قرآن کی ذمہ داری لی ہے اور کوئی شخص اس میں کوئی تبدیلی نہیں کرسکتا ہے۔ اس کا یہ عقیدہ نہیں ہے کہ حضرت علی رضی اللہ تعالی عنہ خدا ہیں۔ اس کا یہ بھی عقیدہ نہیں ہے کہ حضرت جبرئیل علیہ السلام نے وحی لاتے ہوئے غداری کی۔ وہ حضرت عائشہ صدیقہ رضی اللہ تعالی عنہا پر لعن و طعن نہیں کرتا ہے اور ان کا احترام کرتا ہے اورتمام صحابہ کرام کا احترام کرتا ہے، وہ کسی صحابہ کرام کوگالی نہیں دیتا ہے۔ میں اس کو گزشتہ نوسالوں سے جانتی ہوں اور اس کے گھر والوں کو بہت اچھی طرح سے جانتی ہوں اورمجھے ان کے عقائد میں کوئی غلط چیز نہیں ملی ہے۔ ان تمام حقائق کوجانتے ہوئے کیا اس سے شادی کرنا جائزہے؟

نکاح سے پہلے لڑکی کو كون دیكھ سكتا ہے؟