عنوان:

ایک مسجد میں جمعہ وعیدین کی دوجماعتیں كرنے كا حكم؟

سوال:

(۱) ہماری مسجد میں جگہ کی قلت کی وجہ سے جمعہ میں دو اور عیدین تین جماعتیں ہوتی ہیں چونکہ غیر مسلموں کا علاقہ ہے اس لئے کسی میدان وغیرہ کی اجازت بھی نہیں مل پاتی تو کیا ایسا کرنا صحیح ہے؟ 2 مسجد میں جمعہ و عیدین کی دو یا دو سے زائد جماعتوں کے منعقد کرنے کے شرعی طریقہ کی رہنمائی فرمائیں مہربانی ہوگی۔

جواب نمبر: 60128828-Dec-2020 : تاریخ اشاعت

بسم الله الرحمن الرحيم

Fatwa:265-228/sn=5/1442

 ایک مسجد میں ایک سے زائد جمعہ یا عید کی نماز شرعا مکروہ ہے ؛ اس لیے یہ طریقہ واجب الترک ہے ، جگہ تنگ ہو تو کسی ہال یا بڑے احاطہ وغیرہ میں نمازوں کا بندوبست کیا جائے ، واضح رہے کہ اگر زیادہ لوگ جمع ہونے کی جگہ دستیاب نہ ہو تو متعدد جماعتیں بھی کی جا سکتی ہیں ۔

ویکرہ تکرار الجماعة بأذان وإقامة فی مسجد محلة لا فی مسجد طریق أو مسجد لا إمام لہ ولا مؤذن إلخ(الدر المختار و رد المحتار) 2/ 288، باب الإمامة ، ط: مکتبة زکریا، دیوبند)