عنوان: جمعہ کے متعلق سوال

سوال: میں ناروے سے ہوں اور ایک سوال جمعہ کی نماز کے بارے میں پوچھنا چاہتا ہوں وہ یہ کہ میرا دوست ایک ایسیسکول میں پڑھتا ہے جہاں اور بھی مسلمان لڑکے اسکے ساتھ پڑھتے ہیں۔ ان کو جمعہ کی نماز کے لئے صرف آدھا گھنٹہ چھٹی ملتی ہے۔ جس میں وہ مسجد تک نہیں پہنچ سکتے ، ان میں سے کچھ صومالین لڑکے اور دوسرے تیسرے مسلمان لڑکے ہیں جو ملکر پندرہ بیس لڑکے ہو جاتے ہیں، سوال یہ ہے کہ کیا اگر ان میں سے کوئی لڑکا خطبہ پڑھ لیتا ہے اور امام بننے کی صلاحیت رکھتا ہے تو وہ ادھر ہی کسی کلاس روم میں جمعہ ملکر پڑھ سکتے ہیں یا نہیں؟ویسیا سکول شہر کے اندر ہی ہے دیہات میں نہیں۔

جواب نمبر: 3591001-Sep-2020 : تاریخ اشاعت

بسم الله الرحمن الرحيم

فتوی(د): 83=57-1/1433 اولاً تو آپ لوگ کوشش اس بات کی کریں کہ مسجد جاکر جمعہ ادا کرنے کی چھٹی آپ لوگوں کو مل جائے۔ اگر اس کی کوشش میں کامیابی نہ ہو اور آپ کا اسکول شہر کے حدود میں آتا ہے تو اسکول کے اندر بھی آپ لوگ جمعہ ادا کرسکتے ہیں، امام کے علاوہ کم ازکم تین مقتدی اور ہونا ضروری ہے اور جمعہ کی نماز جماعت کے ساتھ ادا کی جائے، تنہا پڑھنے سے ادا نہ ہوگی، نیز جمعہ سے پہلے خطبہ کا پڑھنا بھی ضروری ہے، اگر آپ کا ساتھی خطبہ پڑھ کر صحیح قرآن کے ساتھ نماز جمعہ پڑھادے تو آپ لوگوں کا جمعہ صحیح ہوجائے گا، البتہ مسجد میں جمعہ پڑھنے کا جو ثواب تھا اس سے محرومی رہے گی، نیز امام اگر داڑھی نہ رکھتا ہوگا تو اس کی امامت مکروہ تحریمی ہوگی۔