عبادات >> جمعہ و عیدین
سوال نمبر: 1611
جواب نمبر: 1611
بسم الله الرحمن الرحيم
فتوی: 445/ ل= 445/ ل
در مختار میں ہے: وکل ما حرم في الصلاة حرم فیھا أي في الخطبة یعنی جو چیزیں نماز میں حرام ہیں وہی چیزیں خطبہ میں بھی حرام ہیں، (الدر المختار مع الشامي: ج۳ ص۳۵، ط: زکریا دیوبند) اس لیے دورانِ خطبہ چندہ کرنا درست نہیں۔ چندہ اگر کرنا ہو تو نماز سے فراغت کے بعد ہرصف سے ایک آدمی اٹھ جائے اور چندہ وصول کرلے تاکہ زیادہ وقت نہ لگے، جہاں تک خطبہ کے دوران کیے گئے چندہ کا مسئلہ ہے تو وہ حلال ہے اوراسے مسجد کے کسی بھی کام میں استعمال کرنا درست ہے۔ البتہ چندہ کرنے والے گنہ گار ہوں گے۔ آئندہ دورانِ خطبہ چندہ وصول کرنے سے احتراز کیا جائے۔
واللہ تعالیٰ اعلم
دارالافتاء،
دارالعلوم دیوبند