عنوان: محمد (Muhammad ) کو اختصاراً "Mohd" لکھنے کی گنجائش تو ہے؛ لکین اچھا نہیں

سوال: میرا نام محمد انس(Muhammad Anas) ہے ، لیکن اسکول سرٹیفیکیٹ میں یہ Mohd Anas لکھا ہواہے۔ میرا سوال یہ ہے کہ کیا کسی بندے کا نام (Muhammad)کے بجائے اختصار میں (Mohd)لکھنا درست ہے؟میں ایک اسکول میں ملازم ہوں اور اکثر ماں باپ اپنے بچے کے نام Muhammad کی جگہ Mohdلکھ کر لاتے ہیں تومجھے کیا کرنا چاہئے؟شکریہ

جواب نمبر: 6569201-Sep-2020 : تاریخ اشاعت

بسم الله الرحمن الرحيم

Fatwa ID: 839-842/SN=9/1437 محمد (Muhammad ) کو اختصاراً "Mohd" لکھنے کی گنجائش تو ہے؛ لکین اچھا نہیں؛ اس لئے جب تک کوئی خاص مصلحت (مثلاً فارم وغیرہ میں جگہ کی تنگی ) نہ ہو پورا ہی لکھنا چاہئے، آپ اسکول سرٹیفکیٹ میں اگر بآسانی تبدیلی کراسکیں تو کرالیں، ورنہ ضروری نہیں۔ (۲) والدین کا مناسب طریقے سے یہ بتلادیں کہ ” محمد “ پیارے نبی کا نام ہے؛ اس لئے بہتر ہے کہ ہم ” محمد “ پر مشتمل ناموں میں ” محمد“ کو مکمل لکھیں؛ تاکہ اس کی اہمیت میں کوئی کمی محسوس نہ ہو۔